ആരോഗ്യവും യുവത്വവും നിലനിര്ത്തുന്ന കാര്യത്തില് ബോളിവുഡ് താരം കരീന കപൂറിന് യാതൊരു വിട്ടുവീഴ്ചയുമില്ല. ചിട്ടയായ ഭക്ഷണവും യഥാക്രമമുള്ള വ്യായാമവുമാണ് 41 വയസിലും കരീനയുടെ സൗന്ദര്യ രഹസ്യം. ശരീര സംരക്ഷണത്തെക്കുറിച്ചും ആരോഗ്യകരമായ ദിനചര്യയെക്കുറിച്ചും വാചാലയാകാറുണ്ട് കരീന. ഇപ്പോഴിതാ കരീനയുടെ ഒരു ദിവസത്തെ ഡയറ്റ് പ്ലാന് പരിചയപ്പെടുത്തുകയാണ് പോഷഹാകാര വിദഗ്ധയായ റുജുത ദിവേകര്.
ഒരു പവര് പായ്ക്ക് ബ്രേക്ക് ഫാസ്റ്റോടെയാണ് കരീനയുടെ ഒരു ദിവസം ആരംഭിക്കുന്നത്. ഇത് മികച്ച പോഷകവും ഊര്ജ്ജവും നല്കും. വ്യായാമത്തിനു 60 മുതല് 90 മിനിറ്റ് മുന്പായാണ് ബ്രേക്ക്ഫാസ്റ്റ് കഴിക്കുക. ഇത് വ്യായാമം ചെയ്യാനുള്ള ഊര്ജം നല്കും. കൂടാതെ ശരീരത്തിലെ കലോറിയെ നിയന്ത്രിച്ച്് നിര്ത്തുകയും ചെയ്യും.
ഉച്ചഭക്ഷണം കഴിഞ്ഞ് ഒരു മണിക്കൂര് കഴിയുമ്പോള് ബ്ലാക്ക് സാള്ട്ട്, പഞ്ചസാര, കുങ്കുമപ്പൂവ്, ഇഞ്ചി എന്നിവ ചേര്ത്ത നാരങ്ങാവെള്ളം കുടിക്കും. മുടി, ചര്മ്മം എന്നിവയ്ക്കും വയറിലെ പ്രശ്നങ്ങള്ക്കും മികച്ചതാണ് ഈ പാനീയം.
രാത്രി ഭക്ഷണം നേരത്തേ കഴിക്കുന്നതാണ് കരീനയുടെ ശീലം. ചോറ്, നെയ്യ്, പരിപ്പ് അല്ലെങ്കില് ജോവര് റൊട്ടിയും നെയ്യുമാണ് സാധാരണ കഴിക്കുന്നത്. അത്താഴം നേരത്തേ കഴിക്കുന്നതോടെ ദഹനം കൃത്യമായി നടക്കുകയും മികച്ച ഉറക്കം ലഭിക്കുകയും ചെയ്യും.