Saturday, July 24

പ്രിയപത്നി കോവിഡിനാൽ അതീവ ഗുരുതരാവസ്ഥയിൽ; സ്വയം ശ്വസിക്കാൻ കഴിയുന്നില്ല എന്ന് കൂട്ടിക്കൽ ജയചന്ദ്രൻ

Pinterest LinkedIn Tumblr +

സുര്യ ടി വിയിലെ ജഗതി vs ജഗതി, കോമഡി ടൈം തുടങ്ങിയ പരിപാടികളുടെ അവതാരകൻ ആയി പ്രേക്ഷക ശ്രദ്ധ പിടിച്ചു പറ്റിയ അഭിനേതാവാണ് കൂട്ടിക്കൽ ജയചന്ദ്രൻ. കുറെയധികം സിനിമകളിൽ ചെറുതും വലുതുമായ റോളുകളിൽ അഭിനയിച്ച ജയചന്ദ്രൻ, “ചിരിക്കുടുക്ക” എന്ന സിനിമയിൽ നായകനായാണ് മലയാള സിനിമ ലോകത്ത് എത്തുന്നത്. “ചാന്തുപൊട്ടി”ലെ ലോറെൻസ് എന്ന കഥാപാത്രത്തെ എല്ലാവരും എന്നും ഓർക്കും. കുട്ടിക്കൽ ജയചന്ദ്രൻ വലിയ ഫെയിം ഉള്ള ഒരു നടൻ ഒന്നും അല്ലെങ്കിലും സാമാന്യം മലയാളികൾക്ക് സുപരിചിതനാണു.ചെറീയ ക്യാരക്ടർ റോളുകൾ മനോഹരമായി ചെയ്യാൻ കഴിവുള്ള ആളുമാണ്. ദൃശ്യത്തിലെ ബസ് ഓണർ, മെമ്മറീസിലെ ബേക്കറിക്കാരൻ, ചാന്തുപൊട്ടിലെ ഡ്രൈവർ അങ്ങനെ മിനിട്ടുകൾ മാത്രം ദൈർഘ്യം ഉള്ള ചില റോളുകൾ. ഇപ്പോഴിതാ തന്റെ ഭാര്യ ബസന്തി കോവിഡിനാൽ ഗുരുതരമായ അവസ്ഥയിൽ ആശുപത്രിയിൽ ആണെന്ന കാര്യം വ്യക്തമാക്കിയിരിക്കുകയാണ് അദ്ദേഹം.

…പ്രിയരേ, ദിവസങ്ങളായി കോവിഡാൽ അതീവഗുരുതരമായ അവസ്ഥയിലൂടെ പ്രിയപത്നി നീങ്ങുകയാണ്! കോഴിക്കോട് മൈത്ര ഹോസ്പിറ്റലിൽ! ജീവൻ കൈയ്യിലൊതുക്കി ഞാൻ കൂടെ നിൽക്കുന്നു. അതൊരു ത്യാഗമല്ല. കടമയാണ്. പറയുന്നത് മറ്റൊന്നാണ്, കോവിഡ് ഭീകരമല്ല! നമ്മളാണ് അവനെ ഭീകരനാക്കുന്നത്! നമ്മൾ പത്ത് പേരുണ്ടെങ്കിൽ ഒരാളുടെ അനാസ്ഥ മതി, ഗതി ഭീകരമാവാൻ! ദയവായി അനാവശ്യ അലച്ചിൽ ഒഴിവാക്കുക. മാസ്ക്ക് സംസാരിക്കുമ്പോഴും, അടുത്ത് ആൾ ഉളളപ്പോഴും ധരിക്കണം. ഗ്ലൗസ് ധരിച്ചാലും കൈ അണുവിമുക്തമാക്കാതെ മുഖത്ത് തൊടരുത്. ഞങ്ങൾ ഇതെല്ലാം പാലിച്ചു, പക്ഷേ… ധാരാളം വെളളം കുടിക്കണം പ്രത്യേകിച്ച് സ്ത്രീകൾ.. പുറത്ത് ഹൃദയപൂർവ്വം കൂട്ടുനിൽക്കുന്ന സി.പി.എം പ്രവർത്തകർക്കും, രാഷ്ട്രീയത്തിനതീതമായി ഒപ്പം നിൽക്കുന്ന പ്രിയ കൂട്ടുകാർക്കും, നന്നായി പരിപാലിക്കുന്ന ആശുപത്രിജീവനക്കാർക്കും, പ്രിയപ്പെട്ട നിങ്ങൾക്കും നന്ദി…

കുറിപ്പ് പങ്ക് വെച്ചതോടെ പലരും വിളിച്ച് അന്വേഷിച്ചെന്നും അവർക്കെല്ലാം നന്ദിയും പറഞ്ഞിരിക്കുകയാണ് അദ്ദേഹം. …ഒരുപാട് പേർ അന്വേഷിക്കുന്നു ബസന്തിയുടെ (ഭാര്യ) വിശേഷങ്ങൾ; ഞങ്ങളുടെ നന്ദി! സ്വയം ശ്വസിക്കാൻ കഴിയുന്നില്ല! പ്രകൃതി അതനുവദിക്കും എന്ന പ്രതീക്ഷയോടെ…
🙏💗

teevandi enkile ennodu para
Loading...
Share.

About Author

Comments are closed.