Tuesday, August 4

നീലുവും ബാലുവും മിനി സ്ക്രീനിൽ നിന്ന് ബിഗ് സ്ക്രീനിലേക്ക്;ലെയ്ക്ക അടുത്ത മാസം തിയറ്ററുകളിൽ

Pinterest LinkedIn Tumblr +

മിനിസ്ക്രീനിലെ സൂപ്പര്‍ഹിറ്റ് സീരിയലായ ഉപ്പും മുളകും എന്ന പരമ്പരയിലൂടെ മലയാളികളുടെ ഹൃദയം കീഴടക്കിയ താരങ്ങളാണ് നിഷ സാരംഗും നടൻ ബിജു സോപാനവും. താരങ്ങൾ വെള്ളിത്തിരയിൽ ഒന്നിക്കുന്നു എന്ന് റിപ്പോർട്ടുകൾ കഴിഞ്ഞവർഷം പുറത്തുവന്നിരുന്നു. ഉപ്പും മുളകും എന്ന പരമ്പരയിൽ അവർ അവതരിപ്പിക്കുന്ന അതേ കഥാപാത്രങ്ങളായി ലെയ്ക്ക എന്ന് പേരിട്ടിരിക്കുന്ന ചിത്രത്തിലാണ് ഇരുവരും അഭിനയിക്കുന്നത്. ചിത്രത്തിൻ്റെ ടൈറ്റിൽ ടീസര്‍ പുറത്തുവിടുന്നതിൻ്റെ ഭാഗമായി ഇരുവരും ലൈവിൽ എത്തിയിരുന്നു. പാറമട വീട്ടിൽ നിന്ന് ഇരുവരും ഫേസ്ബുക്ക് ലൈവിൽ എത്തി ലെയ്ക്ക എന്നത് ഒരു പ്രത്യേകതയുള്ള നായയാണെന്നും നായയാണ് ചിത്രത്തിലെ പ്രധാന കഥാപാത്രമെന്നും പറഞ്ഞു. ശൂന്യാകാശത്ത് ആദ്യമായി പോയ നായയാണ് ലെയ്ക്കയെന്നും സ്പേസ് റിസേര്‍ച്ച് വളരെ ഇഷ്ടമായതിനാൽ താനാണ് നായയ്ക്ക് ലെയ്ക്ക എന്ന് പേരിട്ടതെന്നും ബാലു പറഞ്ഞു. രണ്ട് പേരെയും അനുഗ്രഹിക്കണമെന്നും ഇരുവരും ലൈവിലൂടെ പറഞ്ഞു. നവാഗതനായ ആഷാദ് ശിവരാമനാണ് ഇരുവരും ഒന്നിക്കുന്ന ചിത്രം സംവിധാനം ചെയ്യുന്നത്.

അദ്ദേഹം തന്നെയാണ് തിരക്കഥ ഒരുക്കുന്നത്. സേതുലക്ഷ്‌മി, സിബി ജോസ്, ഡോ.തോമസ് മാത്യു,സുധീഷ്, വിജിലേഷ്, നാസർ, ഇന്ദ്രൻസ്, പാർവണ, എന്നിവരാണ് ചിത്രത്തിലെ പ്രധാന താരങ്ങൾ. ചിത്രത്തിന് സംഭാഷണം ഒരുക്കുന്നത് പി. മുരളീധരനും ശ്യാം കൃഷ്ണയും സംയുക്തമായാണ് . ഛായാഗ്രഹണം പി സുകുമാർ. വി.പി.എസ് ആൻ്റ് സൺസ് മീഡിയായുടെ ബാനറിൽ ഡോ. ഷംനാദ്, ഡോ. രഞ്ജിത്ത് മണി എന്നിവരരാണ് ചിത്രം നിർമ്മിക്കുന്നത്. ചിത്രം ഏപ്രിലിൽ റിലീസിനെത്തും.

“Lucifer”
Loading...
Share.

About Author

Comments are closed.