Wednesday, July 8

പുര കത്തുമ്പോൾ ടോർച്ച് അടിക്കുന്ന പുതിയ പരിപാടി;പ്രധാനമന്ത്രിയെ ട്രോളി ലിജോ ജോസ് പെല്ലിശ്ശേരി

Pinterest LinkedIn Tumblr +

പ്രധാനമന്ത്രി നരേന്ദ്രമോദി ഇന്ന് ജനങ്ങളെ രാവിലെ 9 മണിക്ക് സന്ദേശം അറിയിച്ചു. അദ്ദേഹം നൽകിയ സന്ദേശത്തോട് പ്രതികരിക്കുകയാണ് പ്രശസ്ത സംവിധായകൻ ലിജോ ജോസ് പെല്ലിശ്ശേരി. ഒരു പോസ്റ്റിലൂടെ ആണ് അദ്ദേഹം പ്രതികരിച്ചത്. ഏപ്രിൽ അഞ്ചിന് രാത്രി ഒൻപത് മണിക്ക് ലൈറ്റുകൾ അണച്ച് ടോർച്ചോ മറ്റു മാർഗങ്ങളോ ഉപയോഗിച്ച് വെളിച്ചം തെളിക്കണം എന്നായിരുന്നു പ്രധാനമന്ത്രി വിഡിയോ സന്ദേശത്തിലൂടെ രാജ്യത്തെ അറിയിച്ചത്. ഇതുമായി ബന്ധപ്പെട്ട് നിരവധി ട്രോളുകൾ ആണ് സോഷ്യൽ മീഡിയയിൽ പ്രചരിക്കുന്നത്. ടോർച്ച് അടിക്കുമ്പോൾ കൃത്യം കൊറോണയുടെ കണ്ണിൽ നോക്കി അടിക്കണമെന്ന് പരിഹസിക്കുകയാണ് ലിജോ ജോസ് പെല്ലിശ്ശേരി.

‘പുര കത്തുമ്പോ ടോർച്ചടിക്കുന്ന ഒരു പുതിയ പരിപാടിയിറങ്ങീട്ടുണ്ട് അടിക്കുമ്പോ കറക്ട് കൊറോണയുടെ കണ്ണില്‍ നോക്കി അടിക്കണം.’

‘NB: മെഴുതിരി , ബൾബ് , മണ്ണെണ്ണ വിളക്ക് , പെട്രോമാസ് , അരിക്കലാമ്പ് , എമർജൻസി ലൈറ്റ് മുതലായവയുമായ് വരുന്നവരെ വേദിയിൽ പ്രവേശിപ്പിക്കുന്നതല്ല എന്ന്, കമ്മിറ്റി.’–

ഇങ്ങനെയാണ് സംവിധായകൻ സമൂഹമാധ്യമത്തിൽ കുറിച്ചത്.

ഈ വിഷയത്തിൽ നടൻ അനിൽ നെടുമങ്ങാട് ഫെയ്സ്ബുക്ക് പോസ്റ്റിലൂടെ പ്രതികരിക്കുകയാണ്.

സംവിധായകൻ ജയരാജ് വിജയ്‌യുടെ വാക്കുകൾ: സുഹൃത്തുക്കളെ,ഇത് എന്റെ പ്രശ്നമാണ്..എന്റെ മാത്രം പ്രശ്നമാണ്..ഏപ്രിൽ 5 എന്നെ സംബന്ധിച്ചടുത്തോളം ഏതെങ്കിലും ഓർമ്മപുതുക്കലിന്റെതല്ല..ജയിച്ചതോ, ജനിച്ചതോ, നഷ്ടപെട്ടതോ, പരാജയപെട്ടതോകൊണ്ടുവന്നതോ, കൊടുത്തോ ആയ ചരിത്രം രാജ്യം എന്നെ ഓർമ്മപെടുത്തുന്നുമില്ല..
പകരം ഞാനോ എന്റെ രാജ്യമോ മാത്രമല്ല ലോകം മുഴുവൻ ഭയത്തിന്റെയും, ഉത്കണ്ഠയുടെയും, ആത്മസംഘർഷത്തിന്റെയും ഒപ്പം ജാഗ്രതയുടെയും നാളുകൾ പിന്നിട്ട് കൊണ്ടിരിക്കുന്ന ഈ സന്ദർഭത്തിൽ നമ്മുടെ ആശ്വാസം, നമ്മുടെ പ്രതീക്ഷ എന്താവണം എന്ന ചോദ്യം വലിയ അസ്വസ്ഥകളോടെ വീണ്ടും തലപൊക്കിയിരിക്കുന്നു..

എന്റെ പ്രശ്നമാണ്..എന്റെ മാത്രം പ്രശ്നമാണ്..ഒരു രാത്രി.. 9 മണിക്ക്, 9മിനിറ്റ് നിലവിലെ വെളിച്ചം കെടുത്തി മറ്റോരുവെളിച്ചത്തെ തുറന്നുവിടുന്ന പ്രതീകാത്മ പ്രകടനം എന്റെ പ്രധാനമന്ത്രിക്ക് ഏത് ആത്മജ്ഞാനിയാണ്‌ ഉപദേശിച്ചുനൽകിയത്…

ആഘോഷമല്ലെങ്കിലും ഏപ്രിൽ 5 ന് നടക്കുന്നത് ഇക്കാലത്തെ ഏറ്റവും വലിയ പ്രഹസനമാണെന്നതല്ല, ഇതൊന്നും എന്റെ പ്രധാനമന്ത്രിക്ക് മനസ്സിലാവുന്നില്ലല്ലോ എന്നുള്ളതാണ് എന്നെ ഭയപ്പെടുത്തുന്നത്..

നിരാലംബരായ കോടിക്കണക്കിനു ജനങ്ങൾ വിളക്ക് കത്തിക്കുമ്പോൾ, ഇവരുടെ ജീവിതത്തിൽ ഇരുട്ട് വീഴ്ത്തിയ ഈ കാലഘട്ടത്തിന്റെ ചുവരുകൾക്കുള്ളിൽ പ്രത്യാശയുടെ വെളിച്ചവുമായി ഇനി ആരുവരുമെന്ന് ഞാൻ ആകുലപ്പെടുന്നു..

ഇത് എന്റെ മാത്രം പ്രശ്നമാണ്..
എന്റെ മാത്രം പ്രശ്നമാണോ..?

“Lucifer”
Loading...
Share.

About Author

Comments are closed.