1000 കോടി മുതൽമുടക്കിൽ നിർമിക്കുന്ന മഹാഭാരതത്തിൽ നിന്നും നിർമാതാവ് ബി ആർ ഷെട്ടി പിന്മാറിയതോടെ സംശയത്തിലായിരുന്ന ചിത്രത്തിന് പുതുജീവൻ വെക്കുന്ന കാഴ്ചയാണ് ഡോ എസ് കെ നാരായണൻ ചിത്രം 1200 കോടിക്ക് നിർമിക്കാൻ മുന്നിട്ടിറങ്ങിയപ്പോൾ കണ്ടത്. അപ്പോഴും സംശയം ബാക്കി നിന്നത് ശ്രീകുമാർ മേനോൻ ഈ ചിത്രം ഒരുക്കുന്നത് എം ടിയുടെ തിരക്കഥ ഉപയോഗിച്ച് തന്നെയാണോ എന്നതാണ്. തിരക്കഥയുടെ കാര്യത്തിൽ കേസ് നിലനിൽക്കേ തന്നെ എം ടിയുമായി ധാരണയിൽ എത്തിയെന്ന് ജോമോൻ പുത്തൻപുരക്കൽ അറിയിച്ചിരുന്നു. എന്നാൽ രണ്ടാമൂഴം സിനിമയാകുന്ന കാര്യത്തില് സംവിധായകന് ശ്രീകുമാര് മേനോനുമായി ധാരണയായിട്ടില്ലെന്ന് എംടി വാസുദേവൻ നായരുടെ അഭിഭാഷകൻ അറിയിച്ചു. മഹാഭാരതം എന്ന പേരില് എം.ടിയുടെ തിരക്കഥയില് സിനിമ ഒരുങ്ങുന്നു എന്ന ജോമോന് പുത്തന്പുരയ്ക്കലിന്റെ വാദം തെറ്റാണെന്നും എം.ടിയുടെ അഭിഭാഷകൻ പറഞ്ഞു. വീഡിയോ കാണാം