ടോവിനോ തോമസ് നായകനാകുന്ന ഒരു കുപ്രസിദ്ധ പയ്യൻ ഈ വെള്ളിയാഴ്ച്ച തീയറ്ററുകളിൽ എത്തുകയാണ്. തലപ്പാവ്, ഒഴിമുറി എന്നീ മനോഹരമായ ക്ലാസ് ചിത്രങ്ങൾക്ക് ശേഷം മധുപാൽ സംവിധാനം നിർവഹിക്കുന്ന ചിത്രത്തിൽ അനു സിത്താര, നിമിഷ സജയൻ എന്നിവർ നായികാവേഷങ്ങളിൽ എത്തുന്നു. എല്ലാവരും കള്ളനും പൊലീസും കളിക്കുന്ന സമകാലീന ലോകത്തിന്റെ കഥയാണ് ഒരു കുപ്രസിദ്ധ പയ്യനിലൂടെ പറയാന് ആഗ്രഹിക്കുന്നതെന്ന് സംവിധായകന് വെളിപ്പെടുത്തി. ആര്ക്കും ആരെയും വിശ്വാസമില്ലാത്ത സമകാലീന ലോകത്തിന്റെ പശ്ചാത്തലത്തിലാണ് ഈ കഥ പറയുന്നതെന്ന് മധുപാല് പറയുന്നു.
‘കഴിഞ്ഞ രണ്ട് സിനിമകളെക്കാള് ഏറെ ജനകീയമായ ഒരു വിഷയമാണ് ഇത്തവണ പറയാന് ശ്രമിക്കുന്നത്. ഏതുനിമിഷവും ആര് വേണമെങ്കിലും പ്രതി ചേര്ക്കപ്പെടാം എന്ന സാഹചര്യത്തിലാണ് നാം ജീവിക്കുന്നത്. അങ്ങനെയുള്ള ഈ നിമിഷത്തിന്റെ ജീവിതകഥയാണ് താന് ഒരു കുപ്രസിദ്ധ പയ്യനിലൂടെ മതിലുകളില്ലാതെ തുറന്നുപറയാന് ആഗ്രഹിക്കുന്നത്’ മധുപാല് പറഞ്ഞു.
നെടുമുടി വേണു, ശരണ്യ പൊന് വണ്ണന്, സിദ്ദിഖ് തുടങ്ങിയവരും ചിത്രത്തിലുണ്ട്. ചിത്രത്തിന്റെ തിരക്കഥയും സംഭാഷണവും നിര്വഹിച്ചിരിക്കുന്നത് ജീവന് ജോബ് തോമസാണ്. നൗഷാദ് ഷെരീഫ് ആണ് ചിത്രത്തിന്റ് ഛായാഗ്രഹണം. ശ്രീകുമാരന് തമ്പിയുടെ വരികള്ക്ക് ഔസേപ്പച്ചനാണ് ഈണം പകര്ന്നിരിക്കുന്നത്.