Tuesday, August 4

ബ്രദേഴ്‌സ് ഡേയ്ക്ക് ശേഷം മാജിക്ക് ഫ്രയിംസിന്റെ അടുത്ത ചിത്രം ‘ കെട്ട്യോളാണ് എന്റെ മാലാഖ’ ആസിഫ് അലി നായകൻ

Pinterest LinkedIn Tumblr +

പൃഥ്വിരാജ് നായകനായി എത്തുന്ന ബ്രദേഴ്സ് ഡേ എന്ന ചിത്രത്തിന് ശേഷം അടുത്ത ചിത്രവുമായി മാജിക് ഫ്രെയിംസ്‌.’കെട്ട്യോളാണ് എന്റെ മാലാഖ’ എന്ന് പേരിട്ടിരിക്കുന്ന ചിത്രത്തിന്റെ ചിത്രീകരണം നാളെ മുതൽ പീരുമേട്, പാലാ ഭാഗങ്ങളിലായി ആരംഭിക്കുന്നു.നവാഗതനായ നിസാം ബഷീർ ആണ് ചിത്രത്തിന്റെ സംവിധായകൻ

രസകരമായ കുടുംബ കഥ പറയുന്ന ഈ ചിത്രത്തിൽ ആസിഫ് അലിയാണ് നായകൻ. നായികയായി വേഷമിടുന്നത് വീണാനന്ദ കുമാറാണ്. ചിത്രത്തിൽ ജാഫർ ഇടുക്കി, ബേസിൽ ജോസഫ് എന്നിവരും ഏതാനും പുതുമുഖങ്ങളും അണിനിരക്കുന്നു. അജി പീറ്റർ തങ്കമാണ് രചന നിർവഹിച്ചിരിക്കുന്നത്. വിനായക് ശശികുമാർ ആണ് ഗാനങ്ങൾ കൈകാര്യം ചെയ്തിരിക്കുന്നത്. അഭിലാഷ് എസ് ചായാഗ്രഹണവും നൗഫൽ അബ്ദുള്ള എഡിറ്റിങ്ങും നിർവഹിക്കുന്ന ചിത്രത്തിന് സംഗീതം പകരുന്നത് വില്യം ഫ്രാൻസിസാണ്. കലാസംവിധാനം ആഷിക്കും മാത്യു ജോസഫ് ചീഫ് അസോസിയേറ്റ് ഡയറക്ടറുമാണ്. ചിത്രത്തിന്റെ നിർമ്മാണ നിർവ്വഹണം നിർവ്വഹിക്കുന്നത് ബാദ്ഷയാണ്.
ഇതിനിടെ മാജിക് ഫ്രയിംസിന്റെ ബാനറിൽ കലാഭവൻ ഷാജോൺ സംവിധാനം ചെയ്യുന്ന ബ്രദേഴ്‌സ് ഡേ ഷൂട്ടിങ് പുരോഗമിക്കുകയാണ്. പൃഥ്വിരാജ് നായകനാകുന്ന ചിത്രം ഒരു കംപ്ലീറ്റ് ഫാമിലി എന്റർടൈനറായി ആണ് ഒരുങ്ങുന്നത്

“Lucifer”
Loading...
Share.

About Author

Comments are closed.