സൈബർ സദാചാരന്മാർ കൊടി കുത്തി വാഴുന്ന സോഷ്യൽ മീഡിയയിൽ ഇപ്പോൾ ആ ആക്രമണത്തിന് ഇരയായിരിക്കുന്നത് ബോളിവുഡ് നടി മല്ലിക അറോറ ഖാനാണ്. ഇത് ആദ്യമായിട്ടല്ല മല്ലിക ഇത്തരം സദാചാരവാദികളുടെ ആക്രമണത്തിന് ഇരയാകുന്നത്. നീന്തൽ വസ്ത്രത്തിലുള്ള ഒരു പഴയ ചിത്രമാണ് ഫ്രൈഡേ ഫ്ലാഷ് ബാക്ക് എന്ന ക്യാപ്ഷനുമായി നടി ഇൻസ്റ്റാഗ്രാമിൽ പോസ്റ്റ് ചെയ്തത്. കുട്ടികളെ നോക്കി വീട്ടിലിരിക്കാതെ ബിക്കിനിയുമുടുത്ത് ചുറ്റി നടക്കുകയാണ് എന്നൊക്കെയാണ് കുറ്റപ്പെടുത്തലുകൾ. തന്നെ വിമർശിച്ചവർക്കുള്ള മറുപടിയുമായി നടി തന്നെ മുന്നോട്ട് വന്നിട്ടുണ്ട്
“കഴിഞ്ഞ വർഷം മാലിദ്വീപിലേക്ക് പോയപ്പോൾ എടുത്ത ഒരു പഴയ ചിത്രമാണിത്. ഞാൻ എന്ത് ധരിക്കണം ധരിക്കരുത് എന്ന ഒരു കാഴ്ചപ്പാട് വെച്ചുപുലർത്തുന്നവരോട് ഒരു ചോദ്യം. നിങ്ങളുടെ കാഴ്ചപ്പാടിൽ നീന്താൻ ഇറങ്ങുമ്പോൾ ധരിക്കേണ്ട വസ്ത്രമേതാണ്? എന്റെ അറിവിൽ ലോകത്തിൽ എല്ലായിടത്തും ഇത്തരത്തിൽ ഉള്ള നീന്തൽ വസ്ത്രങ്ങൾ തന്നെയാണ് ഉപയോഗിക്കുന്നത്. ഇതല്ലാതെ വേറെ എന്തെങ്കിലും നീന്തുമ്പോൾ ധരിക്കാമെങ്കിൽ ദയവായി എനിക്ക് പറഞ്ഞു തരൂ… എന്നെ ബോദ്ധ്യപ്പെടുത്തൂ..!”