Sunday, September 27

വാപ്പച്ചി വീട്ടിൽ നിന്ന് പുറത്തിറങ്ങിയിട്ട് 150 ദിവസങ്ങളായി;വീട്ടിലെ ലോക്ക്‌ ഡൗൺ വിശേഷങ്ങൾ പങ്കുവെച്ച് ദുൽക്കർ സൽമാൻ

Pinterest LinkedIn Tumblr +

മലയാളികൾക്ക് ഏറെ ഇഷ്ടമുള്ള ഒരു താരകുടുംബമാണ് മമ്മൂട്ടിയുടെത്. മെഗാസ്റ്റാർ മമ്മൂട്ടിയുടെ ലോക്ക്‌ ഡൗൺ ചലഞ്ച്നെ കുറിച്ച് ഇപ്പോൾ മനസ്സ് തുറക്കുകയാണ് ദുൽഖർ സൽമാൻ. ലോകം മുഴുവൻ കൊറോണ വ്യാപിച്ചതിനെ തുടർന്ന് താരങ്ങളടക്കം എല്ലാവരും വീട്ടിൽ തന്നെയാണ്. സോഷ്യൽ മീഡിയയിലൂടെ ചിത്രങ്ങളും വീഡിയോകളും പങ്കുവെച്ച് കൊണ്ടാണ് താരങ്ങൾ സമയം ചെലവഴിക്കുന്നത്. ഒരു പേഴ്സണൽ റെക്കോർഡ് അടിക്കാനുള്ള തയ്യാറെടുപ്പിലാണ് മമ്മൂട്ടി എന്ന് ദുൽഖർ സൽമാൻ പറയുന്നു.

ദുൽഖറിന്റെ വാക്കുകൾ:

ഞാൻ പിന്നെയും വീട്ടിൽ കാണും. എന്നെക്കാളും നോൺസ്റ്റോപ് ഷൂട്ടിങ് ഉള്ളത് വാപ്പച്ചിക്കാണ്. പക്ഷേ, ഇപ്പോൾ ഒരു പേഴ്സണൽ റെക്കോർഡ് അടിക്കാൻ നോക്കിക്കൊണ്ടിരിക്കുകയാണ്. ‘ഞാൻ 150 ദിവസം വീട്ടിൽ നിന്ന് ഇറങ്ങിയിട്ടില്ല. ഗേറ്റിനു പോലും പുറത്തു പോയിട്ടില്ല’, എന്നാണ് വാപ്പച്ചി പറയുക. ഇങ്ങനെ പേഴ്സണലി എന്തെങ്കിലുമൊരു ചലഞ്ച് ചെയ്യാൻ ഒത്തിരി ഇഷ്ടമാണ്. ഇപ്പോഴത്തെ ചലഞ്ച് ഇതാണ്. എത്ര ദിവസം വരെ ഇങ്ങനെ പിടിച്ചു നിൽക്കാൻ പറ്റുമെന്ന് നോക്കട്ടെ എന്ന്. ഞാൻ പറഞ്ഞു, വെറുതെയൊരു ഡ്രൈവിനോ എന്തെങ്കിലുമൊന്നിനു പുറത്തു പോയ്ക്കൂടെ എന്ന്.


അദ്ദേഹം വീട്ടിൽ നിന്ന് പുറത്തിറങ്ങില്ലെന്ന കടുത്ത നിലപാടിലാണ്. ‘ഇത്ര ദിവസം ആയില്ലേ… ഇനി എത്ര ദിവസം വരെ പുഷ് ചെയ്യാൻ പറ്റുമെന്ന് നോക്കട്ടെ,’ എന്നാണ് വാപ്പച്ചിയുടെ മറുപടി. അങ്ങനെയൊരു വാശിയിലാണ് അദ്ദേഹം. ‘ആര് അറിയാനാണ് വാപ്പച്ചി ഇതൊക്കെ,’ എന്ന് ഞാൻ ചോദിക്കും. ഇതിന് വേൾഡ് റെക്കോർഡ് ഒന്നുമില്ലല്ലോ. പക്ഷേ, ഇങ്ങനെ പേഴ്സണൽ ചലഞ്ചസും പേഴ്സണൽ പ്ലാൻസും ഒക്കെ ഉണ്ടാക്കാൻ അദ്ദേഹത്തിന് വലിയ ഇഷ്ടമാണ്. പ്പോഴത്തെ ലക്ഷ്യം, എത്ര ദിവസം ഇങ്ങനെ വീട്ടിലിരിക്കാൻ പറ്റുമെന്നാണ്. അതിന്റെ ഒരു മത്സരം നടന്നു കൊണ്ടിരിക്കുകയാണ്. പക്ഷേ, ഇതൊന്നും എന്നെക്കൊണ്ട് പറ്റില്ല. ​ഞാൻ കിട്ടുന്ന ചാൻസിന് പുറത്തിറങ്ങാൻ ഇഷ്ടപ്പെടുന്ന ആളാണ്.

“Lucifer”
Loading...
Share.

About Author

Comments are closed.