Sunday, January 20

എന്റെ ഉമ്മാന്റെ പേരിന് വിജയാശംസകളുമായി മമ്മൂട്ടി; നന്ദി പറഞ്ഞ് ടോവിനോയും

Google+ Pinterest LinkedIn Tumblr +

ടോവിനോ തോമസിന്റെ ക്രിസ്തുമസ് റിലീസായി എത്താൻ ഒരുങ്ങുന്ന ജോസ് സെബാസ്റ്റ്യൻ ചിത്രം എന്റെ ഉമ്മാന്റെ പേരിന് വിജയാശംസകളുമായി മമ്മൂക്ക. ഫേസ്ബുക്ക് പേജിലൂടെ ചിത്രത്തിന്റെ ടീസർ ഷെയർ ചെയ്താണ് മമ്മൂക്ക വിജയാശംസകൾ നേർന്നത്. വിജയം നേർന്ന മമ്മൂക്കക്ക് ടോവിനോ നന്ദിയും അറിയിച്ചിട്ടുണ്ട്. തന്റെ ഉമ്മയെ തേടിയെത്തുന്ന ഹമീദ് എന്ന കഥാപാത്രത്തെയാണ് ടോവിനോ അവതരിപ്പിക്കുന്നത്. ഉമ്മ ആയിഷയായി ഉർവശിയും എത്തുന്നു. 1 മില്യൺ ഡിജിറ്റൽ വ്യൂസ് പിന്നിട്ട ചിത്രത്തിന്റെ ടീസർ പ്രേക്ഷകർക്ക് മനോഹരമായ ഒരു ചിത്രം തന്നെയാണ് ഉറപ്പ് തന്നിരിക്കുന്നത്. ദുൽഖറാണ് ചിത്രത്തിന്റെ ടീസർ പുറത്തുവിട്ടത്.

പുതുമുഖം സായിപ്രിയ നായികയാകുന്ന ചിത്രത്തിൽ ഹരീഷ് കണാരന്‍, മാമുക്കോയ, സിദ്ദിഖ്, ശാന്തികൃഷ്ണ, ദിലീഷ് പോത്തന്‍ എന്നിങ്ങനെ വലിയ താരനിര തന്നെ ചിത്രത്തില്‍ അണി നിരക്കുന്നുണ്ട്. സംവിധായകൻ ജോസ് സെബാസ്റ്റ്യൻ തന്നെയാണ് തിരക്കഥയും ഒരുക്കിയിരിക്കുന്നത്. ആന്റോ ജോസഫ്, സി.ആര്‍. സലിം എന്നിവര്‍ ചേര്‍ന്നാണ് ചിത്രത്തിന്റെ നിര്‍മ്മാണം. സിനിമയ്ക്ക് സംഗീതം പകരുന്നത് ഗോപിസുന്ദറാണ്, എഡിറ്റിങ് മഹേഷ് നാരായണന്‍, ആര്‍ട് സന്തോഷ് നാരായണന്‍. സ്പാനിഷ് ഛായാഗ്രാഹകന്‍ ജോര്‍ഡി പ്ലാനെല്‍ ആണ് ക്യാമറ. ക്രിസ്‌തുമസ്‌ റിലീസായി ഡിസംബര്‍ 21 ന് ചിത്രം തിയേറ്ററുകളിലെത്തും.

Share.

About Author

Comments are closed.