Wednesday, August 21

“വിജയങ്ങളെല്ലാം ചെറുതാകുന്ന കാലത്താണ് ഈ വലിയ വിജയമുണ്ടായിരിക്കുന്നത്” ജോസഫിന്റെ വിജയത്തിൽ ആശംസകളുമായി മമ്മൂക്ക

Google+ Pinterest LinkedIn Tumblr +
“samvritha”

എം പദ്മകുമാർ ഒരുക്കിയ ജോജു ജോർജ് ചിത്രം ജോസഫ് മലയാളി പ്രേക്ഷകർ എല്ലാം ഏറ്റെടുത്ത് വിജയിപ്പിച്ച ഒരു മനോഹര ചിത്രമാണ്. ചിത്രത്തിന്റെ 125-ആം ദിനാഘോഷം ഇന്നലെ കൊച്ചി IMA ഹാളിൽ വെച്ച് നടന്നു. മമ്മൂക്ക, ചാക്കോച്ചൻ, രമേഷ് പിഷാരടി എന്നിങ്ങനെ നിരവധി പേര് ചടങ്ങിൽ പങ്കെടുത്തു. ചിത്രത്തിന്റെ വിജയത്തെ കുറിച്ച് മമ്മൂക്ക പറഞ്ഞ വാക്കുകളാണ് ഏറെ ശ്രദ്ധ പിടിച്ചു പറ്റിയത്.

വിജയങ്ങളെല്ലാം ചെറുതാകുന്ന കാലത്താണ് ഈ വലിയ വിജയമുണ്ടായിരിക്കുന്നത്. ഇതിന്റെ ഭാഗമാകാന്‍ സാധിച്ചതില്‍ സന്തോഷമുണ്ട്. ഇതൊരു ചെറിയ ചിത്രത്തിന്റെ വലിയ വിജയമെന്നോ വലിയ വലിയ ചിത്രത്തിന്റെ വലിയ വിജയമെന്നോ പറയേണ്ട കാര്യമില്ല. സിനിമ ചെറുതും വലുതുമൊന്നുമില്ല, നല്ലതും ചീത്തയും മാത്രമേ ഉള്ളൂ. എല്ലാ സിനിമയ്ക്കും ഒരേ ടിക്കറ്റ് നിരക്കാണ്. അതുകൊണ്ട് പ്രേക്ഷകനെ സംബന്ധിച്ചിടത്തോളം സിനിമയ്ക്കെല്ലാം ഒരേ വിലയാണ്. തീർച്ചയായും ഈ സിനിമ ഒരു നല്ല സിനിമയായതുകൊണ്ടും അതിന് മേന്മയുള്ളതുകൊണ്ടുമാണ് വിജയിച്ചത്. ജോജും സഹതാരങ്ങളും നന്നായി അഭിനയിച്ചിട്ടുണ്ട്. സിനിമയുടെ മ്യൂസിക് ശ്രദ്ധിക്കപ്പെട്ടു. വേറിട്ടൊരു കഥയായിരുന്നു. ഇങ്ങനെ എല്ലാം നന്നാകുമ്പോഴാണ് ഒരു സിനിമ വിജയിക്കുന്നത്.

“Lucifer”
Share.

About Author

Comments are closed.