നടന് മമ്മൂട്ടിയെക്കുറിച്ച് തുറന്നു പറഞ്ഞ് നടനും നിര്മ്മാതാവുമായ മണിയന്പിള്ള രാജു.മമ്മൂട്ടി വളരെ പരുക്കന് സ്വഭാവമുള്ള ആളാണെന്നാണ് പൊതുവേ പറയാറുള്ളത്. എന്നാല് അദ്ദേഹം ശുദ്ധനായിട്ടുള്ള ഒരു മനുഷ്യനാണെന്ന് മണിയന്പിള്ള പറയുന്നു. മമ്മൂക്കയെ കുറിച്ച് പറഞ്ഞാല് ഇത്രയും ശുദ്ധനായ നല്ലൊരു മനുഷ്യന് വേറെയില്ല. അദ്ദേഹത്തിന്റെ വിചാരം പുള്ളിയാണ് മലയാള സിനിമയിലെ വല്യേട്ടന് എന്നാണ്. നമ്മളെല്ലാം അദ്ദേഹത്തിന്റെ അിയന്മാരാണ്. ആ ഒരു സ്വതന്ത്ര്യവും സ്നേഹവും എല്ലാവരോടും ഉണ്ടാകും. അതൊരു നാട്യമല്ല. ഞാന് വലിയൊരു സൂപ്പര്സ്റ്റാര് ആണെന്നുള്ള വിചാരമില്ല.
മമ്മൂട്ടിയുടെ മുറിയിലേക്ക് തട്ടാതെ കയറി ചെല്ലാന് പറ്റുന്ന രണ്ട് പേരെ ഉള്ളു. ഒന്ന് താനും മറ്റൊന്ന് കുഞ്ചനുമാണെന്നും മണിയന്പിള്ള രാജു പറയുന്നു. കൗമുദി ടിവിക്ക് നല്കിയ അഭിമുഖത്തിലാണ് മമ്മൂട്ടിയോടുള്ള സൗഹൃദത്തെ കുറിച്ച് മണിയന്പിള്ള രാജു തുറന്നു പറഞ്ഞത്.
ഷൂട്ടിംഗ് സമയത്ത് താരങ്ങളുടെ റൂമുകളില് വലിയ പണക്കാരും നിര്മാതാക്കളും ദിവ്യന്മാരുമൊക്കെ ഇരുന്ന് ചര്ച്ചയായിരിക്കും. എന്നാല് മമ്മൂട്ടി എന്ന് പറഞ്ഞ ആളുടെ മുറിയില് അന്നും ഇന്നും മമ്മൂട്ടി മാത്രമേ ഉണ്ടാവുകയുള്ളു. സിനിമകള് അതിനുള്ളില് വെച്ച് കാണും. മണിയന്പിള്ള രാജു പറയുന്നു. ഏജന്റ് എന്ന തെലുങ്ക് ചിത്രത്തിന്റെ ഷൂട്ടിംഗിനായി മമ്മൂട്ടി യൂറോപ്പിലാണ്. ഹംഗറിയില് നിന്നുള്ള താരത്തിന്റെ ചിത്രങ്ങള് വൈറലായിരുന്നു.