Wednesday, January 20

മാസ്റ്റർ മൂവി റിവ്യൂ, പ്രേക്ഷക പ്രതികരണങ്ങൾ വായിക്കാം!

Pinterest LinkedIn Tumblr +

പത്ത് മാസക്കാലത്തിനു ശേഷം ആണ് കേരളത്തിൽ തീയേറ്ററുകൾ തുറന്ന് പ്രവർത്തിക്കുന്നത്. വിജയ് ചിത്രം മാസ്റ്റർ ആണ് തിയേറ്ററിൽ യെത്തുന്ന ആദ്യ ചിത്രം. ചിത്രം റിലീസ് ചെയ്തു കഴിഞ്ഞപ്പോൾ മികച്ച പ്രേക്ഷക പ്രതികരണം ആണ് ചിത്രത്തിന് ലഭിക്കുന്നത്. കോവിഡ് മഹാമാരിയ്ക്ക് ഇടയിലും വലിയ സ്വീകാര്യതയോടെയാണ് ഫാന്‍സ് ചിത്രത്തെ വരവേല്‍ക്കുന്നത്. സിനിമ കണ്ടിറങ്ങിയ പ്രേക്ഷകരുടെ പോസിറ്റീവ് റിവ്യൂകളാലും പോസ്റ്റുകളാലും നിറയുകയാണ് സോഷ്യല്‍ മീഡിയ. പ്രതീക്ഷകള്‍ക്ക് മങ്ങലേല്‍ക്കാതെ ഒരു ചിത്രം കാഴ്ച വച്ച സംവിധായകന്‍ ലോകേഷ് കനകരാജിനെ അഭിനന്ദിക്കുകയാണ് വിജയ് ഫാന്‍സ്.

വിജയ്‌ടെ പെര്‍ഫോമന്‍സിന് ഒപ്പം തന്നെ വിജയ് സേതുപതിയുടെയും അര്‍ജുന്‍ ദാസിന്റെയും കഥാപാത്രങ്ങളും കയ്യടി നേടുന്നുണ്ട്. ആവശ്യമായ കൊമേഴ്സ്യല്‍ ചേരുവകള്‍ എല്ലാം ഉള്‍കൊള്ളിച്ചു കൊണ്ടുള്ള ടിപ്പിക്കല്‍ വിജയ് ചിത്രം എന്നാണ് പലരും ഒറ്റവാക്യത്തില്‍ ചിത്രത്തെ വിശേഷിപ്പിക്കുന്നത്.

‘മാസ്റ്റർ’ തിയറ്ററിൽ തന്നെ റിലീസ് ചെയ്യുന്നതിനായി നടൻ വിജയ് തമിഴ്നാട് മുഖ്യമന്ത്രിയുമായി നടത്തിയ കൂടിക്കാഴ്ചയിൽ ധാരണയാവുകയും, എന്നാൽ തിയറ്റർ റിലീസിനെതിരെ കേന്ദ്ര സർക്കാർ രംഗത്ത് വരുകയും ചെയ്തിരുന്നു. അത് കൊണ്ട് തന്നെ സാധാരണയിൽ നിന്നും വിഭിന്നമായി “മാസ്റ്റർ” ചിത്രം രാജ്യ ശ്രദ്ധ നേടുകയും ചെയ്തു. എന്ത് തന്നെയായാലും അനിശ്ചിതത്വങ്ങൾക്കൊടുവിൽ “മാസ്റ്റർ” കേരളത്തിലും തമിഴ്‌നാട്ടിലും ഉൾപ്പടെ രാജ്യവ്യാപകമായി പ്രദർശനത്തിനെത്തിയിരിക്കുകയാണ്.

 

“Lucifer”
Loading...
Share.

About Author

Comments are closed.