ഒരൊറ്റ ടീസർ കൊണ്ട് തന്നെ മലയാളികളെ ഞെട്ടിച്ച കൈരളി TMTയുടെ ലാലേട്ടൻ അഭിനയിച്ച നെഞ്ചിനകത്ത് എന്ന പരസ്യം പുറത്തിറങ്ങി. ക്വീൻ എന്ന ചിത്രത്തിലൂടെ വിജയക്കൊടി പാറിച്ച ഡിജോ ജോസ് ആന്റണിയാണ് ഈ പരസ്യത്തിന്റെ ആശയവും സംവിധാനവും. അഭ്യാസം പഠിപ്പിച്ച ഗുരുമുഖത്ത്, ഗോദയിലെ പയറ്റുകളിലേക്ക് ഒരു കൊച്ചുകുഞ്ഞിന്റെ അതേ കൗതുകത്തോടെ ഓർമ്മകൾ പൊടി തട്ടിയെത്തുന്ന ലാലേട്ടൻ അന്നത്തെ മെയ്വഴക്കവും അടവുകളും ഇന്നും മറന്നിട്ടില്ല എന്ന് തെളിയിക്കുന്ന വിധം എതിരാളിയെ നിലം പരിശാക്കുന്ന കാഴ്ചയാണ് പരസ്യത്തിൽ കാണുന്നത്. ആ ഒരു കരുത്ത് തന്നെയാണ് പരസ്യത്തിന്റെ കാതലായും കൈക്കൊണ്ടിരിക്കുന്നത്.
പ്രകാശ് വേലായുധനാണ് ക്യാമറ കൈകാര്യം ചെയ്തിരിക്കുന്നത്. ജേക്സ് ബിജോയ് പശ്ചാത്തല സംഗീതം ഒരുക്കിയിരിക്കുന്നു. ശ്രീജിത്ത് സാരംഗാണ് എഡിറ്റിംഗ്. ഓർമകളിലേക്ക് കൊണ്ട് പോകുന്ന സംഭാഷണം തയ്യാറാക്കിയിരിക്കുന്നത് സൂരജ് ജോസാണ്.