ഇന് ഹരിഹര് നഗര്, ഗോഡ്ഫാദര്, റാംജി റാവു സ്പീക്കിങ്, കിലുക്കാംപെട്ടി, വിയറ്റ്നാം കോളനി, മഴവില് കൂടാരം, തുടങ്ങിയ മലയാള സിനിമകള്ക്കു സംഗീതം നല്കിയ പ്രമുഖ സംഗീത സംവിധായകന് എസ്. ബാലകൃഷ്ണന് (69) അന്തരിച്ചു. ചെന്നൈയിലെ വസതിയിലായിരുന്നു അന്ത്യം. അര്ബുദത്തെ തുടര്ന്നു ദീര്ഘനാളായി ചികിത്സയിലായിരുന്നു. സംസ്കാരം ഇന്നു വൈകിട്ട് 4.30ന് ബസന്റ് നഗര് വൈദ്യുതി ശ്മശാനത്തില്. 80ലേറെ മലയാള ചലചിത്രഗാനങ്ങള് എസ് ബാലകൃഷ്ണന്റേതായുണ്ട്. പാലക്കാട് ചിറ്റിലഞ്ചേരി സ്വദേശിയാണ്. ആദ്യം കോയാമ്പത്തൂരിലും പിന്നീട് ചെന്നൈയിലുമായി ഏറെനാളായി തമിഴ്നാട്ടിലായിരുന്നു.