Saturday, June 6

ആസ്വാദക ഹൃദയങ്ങളെ കീഴടക്കിയ ‘നാരി നാരി’ വീണ്ടുമിതാ !!! മണിക്കൂറുകള്‍ക്കുള്ളില്‍ റീമിക്‌സ് കണ്ട് കൈയ്യടിച്ചത് 80 ലക്ഷം പേര്‍

Pinterest LinkedIn Tumblr +

 

വരികള്‍ ഒന്നും ശരിക്കും അറിയില്ലെങ്കിലും തൊണ്ണൂറുകളില്‍ പ്രേക്ഷകരുടെ ചുണ്ടില്‍ ഈ ഗാനത്തിന്റെ വരികള്‍ എപ്പോഴുമുണ്ടാകുമായിരുന്നു. അറബിക് ഗാനത്തിനെ മലയാളികള്‍ ആസ്വദിക്കാന്‍ തുടങ്ങിയതും ഈ ഗാനത്തിന്റെ ഹിറ്റോടുകൂടിയാണ്. ഗാനം ഏതാണെന്ന് ആലോചിക്കുന്നുണ്ടാകും. ആസ്വാദക ഹൃദയങ്ങളെ കീഴടക്കിയ’നാരി നാരി….’ എന്ന അറബിക് ഗാനത്തെ ക്കുറിച്ചാണ് പറഞ്ഞുവരുന്നത്.

മിഖില്‍ മുസലെ സംവിധാനം ചെയ്യുന്ന ‘മെയ്ഡ് ഇന്‍ ചൈന’ എന്ന ബോളിവുഡ് ചിത്രത്തിലൂടെ ഇപ്പോഴിതാ വീണ്ടും ഗാനം പ്രേക്ഷകര്‍ക്ക് മുന്നിലെത്തുകയാണ്. ബോളിവുഡിലെ ഇരട്ട സംഗീതസംവിധായകരായ സച്ചിന്‍ജിഗാര്‍ ആണ് ഇതിന് പിന്നില്‍.

റിലീസ് ചെയ്ത് മണിക്കൂറുകള്‍ക്കകം എണ്‍പതു ലക്ഷം ആളുകള്‍ യുട്യൂബില്‍ ഗാനം കണ്ടു കഴിഞ്ഞു. രാജ് കുമാറിന്റെയും മൗനി റോയിയുടെയും ചടുലമായ നൃത്തച്ചുവടുകള്‍ ഗാനത്തിന്റെ പുതിയൊരു ആവേശം സൃഷ്ടിച്ചിരിക്കുകയാണ്, ബോമാന്‍ ഇറാനിയും ഗാനരംഗത്ത് വരുന്നുണ്ട്. വിശാല്‍ ദദ്ലാനി, ജോനിത ഗാന്ധി എന്നിവര്‍ക്കൊപ്പം സംഗീതസംവിധായകരും ഈ പാട്ടില്‍ പങ്കുചേര്‍ന്നിട്ടുണ്ട്. ‘നാരി നാരി’യുടെ പുതിയ പതിപ്പിനെ ആരാധകര്‍ എങ്ങനെ സ്വീകരിക്കുമെന്ന് ആശങ്കയുണ്ടായിരുന്നു. പക്ഷെ ഗാനം ചിത്രീകരിച്ച് കഴിഞ്ഞപ്പോള്‍ ആ പേടി പോയന്ന് രാജ്കുമാര്‍ പറഞ്ഞു. എന്തായാലും ഹിറ്റായി വീണ്ടും പ്രേക്ഷകരുടെ ചുണ്ടില്‍ പാടിതുടങ്ങുകയാണ്.

“Lucifer”
Loading...
Share.

About Author

Comments are closed.