കാജലിന്റെ ഏറ്റവും പുതിയ ചിത്രം കവചം എന്ന സിനിമയുടെ ടീസർ പുറത്തിറക്കുന്ന ചടങ്ങിൽ നാടകീയ സംഭവങ്ങൾ. ചിത്രത്തിന്റെ അണിയറപ്രവർത്തകരും അഭിനേതാക്കളും മാധ്യമപ്രവർത്തകരും നിറഞ്ഞ സദസ്സിന് മുന്നിൽ വെച്ചാണ് ഛായഗ്രാഹകൻ ഛോട്ടാ കെ നായിഡു അനുവാദമില്ലാതെ കാജൽ അഗർവാളിനെ ചുംബിച്ചത്. ഇതേക്കുറിച്ച് മാധ്യമപ്രവർത്തകർ ചോദിച്ചപ്പോഴും കാജൽ രൂക്ഷമായി സംസാരിക്കുകയുണ്ടായി.
സംഭവം വിവാദമായതോടെ ന്യായീകരണവുമായി നായിഡു എത്തുകയും ചെയ്തു. “മെഹ്റീൻ കൗർ കാജലിനെ ചുംബിച്ചു. അപ്പോൾ സംഗീത സംവിധായകൻ തമൻ പറഞ്ഞു, എനിക്കും കാജൽ അഗർവാളിനെ ചുംബിക്കണം.എനിക്ക് അങ്ങനെ ചെയ്യാൻ സാധിക്കില്ലെന്നും അയാൾ പറഞ്ഞു. എന്ത് കൊണ്ട് എനിക്ക് കാജലിനെ ചുംബിച്ചു കൂടാ..? അതുകൊണ്ടാണ് കാജലിനെ ചുംബിച്ചത്.” ഛോട്ടാ നായിഡു പറഞ്ഞു. പക്ഷേ ഈ ന്യായീകരണവും കൂടുതൽ വിവാദങ്ങളിലേക്ക് വഴി തെളിയിച്ചിരിക്കുകയാണ്. മീടൂ ക്യാമ്പയിൻ കൊടുമ്പിരി കൊണ്ടിരിക്കുന്ന ഇപ്പോഴത്തെ സാഹചര്യത്തിൽ ഈ ഒരു പ്രവൃത്തി വമ്പൻ പ്രശ്നങ്ങൾക്ക് കാരണമായേക്കാം.