Tuesday, December 1

അപകടം നടന്നിട്ട് 4 ആഴ്ച, നകുല്‍ ഇതുവരെ കണ്ണുതുറന്നിട്ടില്ല !!! സഹായം അഭ്യര്‍ത്ഥിച്ച് കുടുംബം

Pinterest LinkedIn Tumblr +

ഡി ഫോര്‍ ഡാന്‍സ് എന്ന റിയാലിറ്റി ഷോയിലൂടെ പ്രേക്ഷകഹൃദയം കീഴടക്കിയ നകുല്‍ തമ്പിയ്ക്ക് കാറപടകം സംഭവിച്ച വാര്‍ത്ത സോഷ്യല്‍മീഡിയയില്‍ വൈറലായിരുന്നു. ഇപ്പോഴിതാ നകുലിന്റെ സഹോദരന്‍ ഗോകുല്‍ സോഷ്യല്‍മീഡിയയില്‍ കുറിച്ച പോസ്റ്റ് വൈറലാകുകയാണ്. നകുലിന്റെ അപകടത്തിന്റെ ആഴം എത്രത്തോളമുണ്ടെന്ന് കുറിപ്പിലൂടെ തുറന്നെഴുതുകയാണ്.

ജനുവരി 5 നാണ് സുഹൃത്തുക്കളുമൊത്തുള്ള ഒരു റോഡ് യാത്രയില്‍ നകുല്‍ തമ്പിക്ക് അപകടം സംഭവിക്കുന്നത്. തലച്ചോറിന് പരിക്കേല്‍ക്കുകയും മെഡിക്കല്‍ കോളേജിലെക്ക് മാറ്റുകയുമായിരുന്നു. അദ്ദേഹം സഞ്ചരിച്ചിരുന്ന കാര്‍ തമിഴ്നാട്ടിലെ മധുരയ്ക്കടുത്ത് വച്ച എതിരെ വന്ന ബസ്സുമായി കൂട്ടിയിടിച്ചാണ് അപകടം സംഭവിച്ചത്. വിദഗ്ത ചികിത്സയ്ക്കായി ഇനി 12,00000 രൂപ കൂടി ആവശ്യമാണ്. അതിനാല്‍ ഏവരേയും സഹായവും പ്രാര്‍ത്ഥനയും അത്യാവശ്യമാണെന്നും ഗോകുല്‍ കുറിച്ചിട്ടുണ്ട്.

അപകടം നടന്നിട്ട് ഏകദേശം 4 ആഴ്ചയായി, നകുല്‍ ഇതുവരെ കണ്ണുതുറന്നിട്ടില്ല എന്ന് ഗോകുല്‍ കുറിച്ചു.മധുര വേലമ്മാള്‍ മെഡിക്കല്‍ കോളജ് ആശുപത്രിയില്‍ ചികിത്സയിലുള്ള നകുലിന്റെ ബോധം ഇപ്പോഴും തെളിയാത്തതാണ് മാതാ പിതാക്കള്‍ക്കും ഉറ്റവര്‍ക്കും ആശങ്കയുണര്‍ത്തുന്നത്. അഭിനേതാവിനൊപ്പം മികച്ച നര്‍ത്തകന്‍ കൂടിയാണ് നകുല്‍. താരം പതിനെട്ടാം പടി എന്ന ചിത്രത്തില്‍ ശ്രദ്ദേയമായ ഒരു വേഷം കൈകാര്യം ചെയ്തിരുന്നു.

“Lucifer”
Loading...
Share.

About Author

Comments are closed.