ഷൂട്ടിങ്ങിനിടെ നടി നമിത കിണറ്റിൽ വീണു. ഏവരെയും ഞെട്ടിച്ച ഒരു വാർത്തയായിരുന്നു ഇത്. ബൗവൗ എന്ന സിനിമയുടെ ഷൂട്ടിംഗിനിടെ ആണ് ഇത് സംഭവിച്ചത്. ഇന്നലെ രാവിലെ ചിത്രാഞ്ജലിയിൽ വച്ചാണ് ഈ സംഭവം നടന്നത്. കിണറ്റിനരികിൽ നിന്ന് ഫോൺ ചെയ്തുകൊണ്ടിരുന്ന നമിത തന്റെ ഫോൺ കിണറ്റിലേക്ക് പോയത് പിടിക്കുവാനായി കിണറ്റിലേക്ക് ആഞ്ഞപൊഴാണ് വീണത്. ഇത് കണ്ട് നിന്ന അണിയറപ്രവർത്തകർ ആദ്യം അമ്പരന്നെങ്കിലും പിന്നീട് സംവിധായകരായ ആര്.എല്. രവി, മാത്യുസ്ക്കറിയ എന്നിവര് കട്ട് പറഞ്ഞപ്പോഴാണ് മറ്റുള്ളവര്ക്ക് കാര്യം പിടികിട്ടിയത്. 35 അടി താഴ്ചയുള്ള ഒരു കിണറ്റിലേക്ക് ആണ് താരം വീണത്. ചിത്രത്തിൽ നമിതാ കിണറ്റിലേക്ക് വീഴുന്ന രംഗമായിരുന്നു ഷൂട്ട് ചെയ്തു കൊണ്ടിരുന്നത്. നമിത ആദ്യമായി നിർമ്മിക്കുന്ന ചിത്രംകൂടിയാണിത്.
തമിഴ് മലയാളം എന്നീ ഭാഷകൾക്ക് പുറമെ നിരവധി ഭാഷകളിലും ചിത്രം പുറത്തിറങ്ങും എന്ന് വാർത്തകൾ ലഭിക്കുന്നുണ്ട്. സസ്പെൻസ് ത്രില്ലറായി ഒരുക്കുന്ന ഒരു ചിത്രമാണിത്. ചിത്രത്തിൽ ഒരു നായയാണ് നായകൻ. കിണറ്റിൽ അകപ്പെട്ട പോയ താരത്തെ വളരെ സാഹസികമായി രക്ഷിക്കുന്ന നായയുടെ കഥയാണ് ചിത്രമൊരുക്കുന്നത്. അതിനൊപ്പം സസ്പെന്സും കൂടി ചേര്ത്താണ് രവിയും മാത്യു സ്കറിയയും തിരക്കഥയൊരുക്കിയിരിക്കുന്നത്. എസ് നാഥ് ഫിലിംസ്, നമിതാസ് പ്രൊഡക്ഷന്സ് എന്നിവയുടെ ബാനറില് നമിത, സുബാഷ് എസ് നാഥ്, എന്നിവര് നിര്മ്മിക്കുന്ന ഈ ചിത്രത്തിന്റെ ഛായാഗ്രഹണം പി എസ് ക്യഷ്ണ നിര്വ്വഹിക്കുന്നു. മുരുകന് മന്ദിരത്തിന്റെ വരികള്ക്ക് റെജി മോന് സംഗീതം പകരുന്നു. നമിത ഈ ചിത്രത്തിൽ ഒരു ബ്ലോഗറുടെ വേഷത്തെ ആണ് അവതരിപ്പിക്കുന്നത്.