Saturday, July 24

ആരാണ് എ.ആര്‍ റഹ്മാന്‍? ഭാരതരത്ന എന്റെ അച്ഛന്റെ കാല്‍വിരലിലെ നഖത്തിന് തുല്യം: നന്ദമൂരി ബാലകൃഷ്ണ

Pinterest LinkedIn Tumblr +

മിക്കപ്പോഴും വിവാദങ്ങളിലൂടെ വാര്‍ത്തകളില്‍ ഇടം പിടിക്കുന്ന നടനാണ് തെലുങ്ക് താരം നന്ദമുരി ബാലകൃഷ്ണ. ഇപ്പോഴിതാ ഓസ്‌കര്‍ ജേതാവ് എ.ആര്‍ റഹ്മാനെതിരെയും ഭാരതത്തിന്റെ ഏറ്റവും ഉയര്‍ന്ന സിവിലിയന്‍ ബഹുമതിയായ ഭാരത രത്‌നക്കെതിരെയും നടത്തിയ പരാമര്‍ശങ്ങളാണ് വിവാദമായിരിക്കുന്നത്. ഒരു പ്രാദേശിക ചാനലിന് നല്‍കിയ അഭിമുഖത്തിലാണ് ബാലകൃഷ്ണ റഹ്മാനെയും ഭാരതരത്‌നത്തെയും അപമാനിച്ച് സംസാരിച്ചത്.

ഈ അവാര്‍ഡുകളെല്ലാം തന്റെ കാലിന് തുല്യമാണെന്നും തെലുങ്ക് സിനിമയ്ക്ക് തന്റെ കുടുംബം നല്‍കിയ സംഭാവനയ്ക്ക് തുല്യമല്ല ഒരു അവാര്‍ഡെന്നും ബാലകൃഷ്ണ പറഞ്ഞു. എ.ആര്‍ റഹ്മാന്‍ എന്ന് വിളിക്കുന്ന ഒരാള്‍ ഓസ്‌കാര്‍ അവാര്‍ഡ് നേടിയതായി കേട്ടിരുന്നു. റഹ്മാന്‍ ആരാണെന്ന് തനിക്കറിയില്ല. ഭാരതരത്ന ഒക്കെ എന്റെ അച്ഛന്‍ എന്‍.ടി.ആറിന്റെ കാല്‍വിരലിലെ നഖത്തിന് തുല്യമാണ്. എന്റെ അച്ഛനോ കുടുംബമോ അല്ല അവാര്‍ഡുകളാണ് മോശം.

ഹോളിവുഡ് സംവിധായകന്‍ ജെയിംസ് കാമറൂണുമായും ബാലകൃഷ്ണ തന്നെ താരതമ്യപ്പെടുത്തുന്നുണ്ട്. വര്‍ഷങ്ങളായി ഷൂട്ടിംഗ് നീട്ടുന്ന ജെയിംസ് കാമറൂണില്‍ നിന്ന് വ്യത്യസ്തമായി തന്റെ ഷൂട്ടിംഗ് വേഗത്തില്‍ പൂര്‍ത്തിയാക്കാന്‍ താന്‍ ആഗ്രഹിക്കുന്നു. അതിലൂടെ കുറഞ്ഞ സമയം കൊണ്ട് കൂടുതല്‍ സിനിമകള്‍ നിര്‍മ്മിക്കാനും കൂടുതല്‍ ഹിറ്റുകള്‍ നേടാനാകുമെന്നും താന്‍ വിശ്വസിക്കുന്നെന്നും ബാലകൃഷ്ണ പറയുന്നു.

ബോയപതി ശ്രീനുവിനൊപ്പമുള്ള അഖന്ദ എന്ന ചിത്രത്തില്‍ ഇപ്പോള്‍ അഭിനയിച്ചു കൊണ്ടിരിക്കുകയാണ് താരം. പ്രഗ്യ ജയ്‌സ്‌വാളാണ് നായികയായി എത്തുന്നത്.

teevandi enkile ennodu para
Loading...
Share.

About Author

Comments are closed.