സംവിധായകൻ വിഘ്നേശ് ശിവനൊപ്പം അമ്മയുടെ ജന്മദിനം ആഘോഷിച്ച് നയൻതാര. ആഘോഷക്കാഴ്ചകളുടെ ഫോട്ടോസ് ഇപ്പോൾ സോഷ്യൽ മീഡിയ കീഴടക്കുകയാണ്. വിഘ്നേശ് ശിവനാണ് ഫോട്ടോസ് അദ്ദേഹത്തിന്റെ ഇൻസ്റ്റാഗ്രാം പേജിലൂടെ പങ്ക് വെച്ചത്. നയൻതാരയുടെ അമ്മ ഓമന കുര്യന് ആശംസകൾ നേരുവാനും വിഘ്നേശ് മറന്നില്ല. ഗ്രേ ടോപ്പ് ധരിച്ചാണ് നയൻതാര എത്തിയിരിക്കുന്നത്. നയൻതാരയേയും അമ്മയേയും കെട്ടിപ്പിടിച്ചു നിൽക്കുന്ന ഒരു ഫോട്ടോയും വിഘ്നേശ് പങ്ക് വെച്ചിട്ടുണ്ട്. കഴിഞ്ഞ വർഷം ഗോവയിലാണ് ഇരുവരും അമ്മയുടെ ജന്മദിനം ആഘോഷിച്ചത്.
View this post on Instagram
കഴിഞ്ഞ കുറെ വർഷങ്ങളായി വിഘ്നേഷും നയൻതാരയും പ്രണയത്തിലാണ്. എന്നാണ് ഇരുവരുടെയും വിവാഹം എന്നാണ് ആരാധകർ ചോദിക്കുന്നത്. തന്റെ പുതിയ ചിത്രമായ നേട്രികണ്ണിന്റെ പ്രചരണാർത്ഥം നയൻതാര നടത്തിയ ഒരു അഭിമുഖത്തിൽ താരത്തിന്റെ കൈയ്യിൽ കിടന്ന മോതിരത്തെ കുറിച്ച് ചോദ്യമുയർന്നിരുന്നു. അത് തന്റെ എൻഗേജ്മെന്റ് റിങ് ആണെന്നാണ് താരം വെളിപ്പെടുത്തിയത്. ആ വീഡിയോ സോഷ്യൽ മീഡിയയിൽ വൈറലായിരുന്നു.
നാനും റൗഡി താൻ എന്ന 2015ൽ പുറത്തിറങ്ങിയ ചിത്രത്തിന്റെ ഷൂട്ടിങ്ങിനിടയിലാണ് ഇരുവരും പ്രണയത്തിലായത്. കൊറിയൻ ചിത്രമായ ബ്ലൈൻഡിന്റെ തമിഴ് റീമേക്കായ നേട്രിക്കണ്ണിലാണ് നയൻതാരയെ പ്രേക്ഷകർ അവസാനമായി കണ്ടത്. രജനീകാന്തിന്റെ അണ്ണാത്തെയാണ് പുതിയ ചിത്രം. വിഘ്നേശ് ശിവൻ തന്നെ ഒരുക്കുന്ന കാതു വാക്കുല രണ്ടു കാതൽ, ആറ്റ്ലീ ഒരുക്കുന്ന ഷാരൂഖ് ഖാൻ ചിത്രം, ലൂസിഫർ തെലുങ്ക് റീമേക്ക് ചിരഞ്ജീവിയുടെ ഗോഡ്ഫാദർ, അൽഫോൻസ് പുത്രേൻ – പൃഥ്വിരാജ് സുകുമാരൻ ചിത്രം ഗോൾഡ് എന്നിവയാണ് മറ്റ് പുതിയ ചിത്രങ്ങൾ.