ഗ്ലാമര് വേഷത്തിലെത്തിയ നടി നോറ ഫത്തേഹിക്കു നേരെ വിമര്ശനം. ശരീരപ്രദര്ശനം നടത്തുന്ന ഇത്തരം വസ്ത്രങ്ങള് പൊതുവേദിയില് ധരിക്കാന് ഉള്ളതല്ലെന്നും ഫാഷന് എന്ന ലേബലില് എന്തുവൃത്തികേടും കാണിക്കാമെന്ന് ധരിക്കരുതെന്നുമൊക്കെയാണ് വിമര്ശനം.
ഒരു ഉദ്ഘാടന ചടങ്ങിനായി മുംബൈയില് എത്തിയതായിരുന്നു നോറ. ചടങ്ങിനു ശേഷം കാറില് കയറി പോകാനൊരുങ്ങിയ നോറയെ ഫോട്ടോഗ്രാഫേഴ്സ് വളഞ്ഞു. ഇതോടെ നടി വണ്ടിയില് നിന്നിറങ്ങി ഫോട്ടോയ്ക്ക് പോസ് ചെയ്യുകയായിരുന്നു. ഈ വിഡിയോയും ചിത്രങ്ങളും വൈറലായതോടെയാണ് നടിക്കെതിരെ വിമര്ശകര് രംഗത്തെത്തിയത്.
നോറ ഫത്തേഹി മൊറോക്കന്-കനേഡിയന് നര്ത്തകിയാണ്. റോറര്: ടൈഗേര്സ് ഓഫ് സുന്ദര്ബന്സ് എന്ന ചിത്രത്തിലൂടെയാണ് പ്രേക്ഷകരുടെ പ്രിയങ്കരിയായത്. ഇന്ത്യക്കാരിയല്ലെങ്കിലും ഹിന്ദി, മലയാളം, തെലുങ്ക്, തമിഴ് തുടങ്ങിയ ഭാഷകളില് അഭിനയിച്ച നോറയ്ക്ക് ഇന്ത്യയില് നിരവധി ആരാധകരുണ്ട്. ചടുലമായ നൃത്തവും ആകര്ഷകമായ സൗന്ദര്യവുമാണ് നോറയെ ചെറുപ്പക്കാര്ക്കിടയില് ഹരമാക്കിയത്. ബാഹുബലി, കിക്ക് 2, കായംകുളം കൊച്ചുണ്ണി തുടങ്ങിയ ചിത്രങ്ങളിലെ നടിയുടെ ഐറ്റം ഡാന്സും ഏറെ ശ്രദ്ധിക്കപ്പെട്ടിരുന്നു.