പുണ്യാളൻ അഗർബത്തീസ്, ദിവാൻജിമൂല ഗ്രാൻപ്രീ തുടങ്ങിയ ചിത്രങ്ങളിലൂടെ അഭിനേത്രിയായും ടെലിവിഷൻ റിയാലിറ്റി ഷോകളിലൂടെ അവതാരകയായും മലയാളികൾക്ക് ഏറെ പ്രിയപ്പെട്ട നൈല ഉഷയെ ഇനി കാണാൻ പോകുന്നത് ജോഷി ഒരുക്കുന്ന പൊറിഞ്ചു മറിയം ജോസിലെ കേന്ദ്രകഥാപാത്രങ്ങളിൽ ഒന്നായിട്ടാണ്. ജോജു ജോർജും ചെമ്പൻ വിനോദുമാണ് മറ്റു കഥാപാത്രങ്ങളെ അവതരിപ്പിക്കുന്നത്. ഈ അടുത്തൊരു ഇന്റർവ്യൂവിൽ എന്താണ് ജീവിതത്തിൽ ഏറ്റവുമധികം സന്തോഷം തരുന്നത് എന്ന ചോദ്യത്തിന് നൈല ഉഷയുടെ ഉത്തരം തന്റെ മകനുമൊപ്പമുള്ള നിമിഷങ്ങൾ ആണെന്നാണ്.
“എനിക്ക് ഫുട്ബോളിനെ കുറിച്ച് ഒന്നും അറിയില്ല. പക്ഷേ എനിക്കിപ്പോൾ ബെൽജിയം ഫുട്ബോൾ ടീമിലെ എല്ലാവരെയും കുറിച്ചറിയാം. എന്റെ മകനിൽ നിന്നുമാണ് അതെല്ലാം പഠിച്ചത്. എന്റെ മകന് ഇഷ്ടമുള്ള കാര്യങ്ങളെ കുറിച്ച് ഞാൻ ഒരിക്കലും അറിവില്ലാത്ത ഒരാളായിരിക്കരുത്.”