Monday, March 1

ചേട്ടന്റെ പാട്ടിനും എന്റെ ട്രയ്ലറിനും ഡിസ് ലൈക്ക് പെരുമഴയാണല്ലോ !! സഡക്ക് 2 ഡിസ് ലൈക്ക് ക്യാമ്പയ്ൻ ട്രോൾ ആസ്വദിച്ച് ഒമർ ലുലുവും

Pinterest LinkedIn Tumblr +

സഞ്ജയ് ദത്ത്, ആലിയ ഭട്ട്, ആദിത്യ റോയ് കപൂർ, പൂജ ഭട്ട് തുടങ്ങിയവർ വേഷമിടുന്ന മഹേഷ് ഭട്ട് സംവിധാനം ചെയ്യുന്ന സഡക് 2 ന്റെ ട്രെയ്ലർ കഴിഞ്ഞ ദിവസമാണ് പുറത്തിറങ്ങിയത്. ട്രെയിലറിന് ഡിസ്‌ലൈക്ക് പെരുമഴയാണ് നേരിടേണ്ടിവന്നത്. സംവിധായകനായ ഒമർ ലുലു പങ്കുവെച്ച ഒരു ട്രോൾ ആണ് ഇപ്പോൾ ഏറെ ജനശ്രദ്ധ നേടുന്നത്. ഒമർ ലുലു സംവിധാനം ചെയ്ത് പുറത്തിറങ്ങിയ ഒരു അഡാർ ലവ് എന്ന ചിത്രത്തിലെ ചില ഗാനങ്ങൾക്കും ഇതുപോലെ ഡിസ്‌ലൈക്കുകൾ നേരിടേണ്ടിവന്നു. ഫ്രീക്ക് പെണ്ണേ എന്ന് തുടങ്ങുന്ന ഗാനം യൂട്യൂബിൽ ട്രെൻഡിങ് ആയെങ്കിലും അക്രമണങ്ങൾക്ക് വിധേയമായി.

അന്ന് ഒമർ ലുലു ഇതിനെതിരെ പ്രതികരിച്ചിരുന്നു. ചിത്രത്തിൽ അഭിനയിക്കുന്ന പ്രിയ വാരിയർക്കെതിരെയുള്ള ഇഷ്ടക്കേട് ചിത്രത്തിനോടും ചിത്രത്തിലെ ഗാനങളോടും കാണിക്കരുത് എന്ന് അന്ന് അദ്ദേഹം പറഞ്ഞിരുന്നു. നടൻ സുശാന്ത് സിംഗ് രാജ്പുത്തിന്റെ മരണവും സ്വജനപക്ഷപാതവും ചർച്ചയായിരിക്കുന്ന വേളയിലാണ് സഡക് 2 നെതിരേ, ഡിസ് ലൈക്ക് ക്യാമ്പെയ്ൻ ആരംഭിച്ചിരിക്കുന്നത്. ഈ ചിത്രം മാത്രമല്ല എല്ലാ ചിത്രങ്ങളും ഉപേക്ഷിക്കണമെന്നാണ് ആരാധകരുടെ അഭിപ്രായം. താരത്തിന് നീതി ലഭിക്കണം എന്നുള്ള ഹാഷ് ടാഗുകളും പ്രചരിക്കുന്നുണ്ട്. സുശാന്തിന്റെ മരണത്തിൽ റിയ ചക്രബർത്തി, മഹേഷ് ഭട്ട്, എന്നിവർക്ക് പങ്കുണ്ടെന്ന ആരോപണങ്ങളും ചർച്ചകളും നിലനിൽക്കുന്നതിനിടയിലാണ് ട്രെയ്ലറിനു ചുവടെ നെഗറ്റീവ് കമന്റുകളും ഡിസ്ലൈക്കുകളുമായി ആരാധകരും എത്തിയത്.

teevandi enkile ennodu para
Loading...
Share.

About Author

Comments are closed.