നടി പേളി മാണിയുടെ സഹോദരി റേച്ചല് മാണി വിവാഹ നിശ്ചയം കഴിഞ്ഞ ദിവസമാണ് നടന്നത്. റൂബെന് ബിജി തോമസ് ആണ് വരന്. കൊച്ചിയിലെ ഇവന്റ് സെന്ററില് വെച്ചായിരുന്നു ചടങ്ങുകള് നടന്നത്. വിവാഹ നിശ്ചയത്തിന്റെ ചിത്രങ്ങളും വീഡിയോയും സോഷ്യല് മീഡിയകളില് ഇതിനോടകം തന്നെ വൈറലായി കഴിഞ്ഞു. പേളിയും ഭര്ത്താവ് ശ്രീനിഷുമാണ് വിവാഹനിശ്ചയത്തിന്റെ ചിത്രങ്ങളിലും വിഡിയോകളിലും നിറഞ്ഞുനില്ക്കുന്നത്. ശ്രീനിഷും മറ്റു കുടുംബാംഗങ്ങളും ചേര്ന്ന് അവതരിപ്പിച്ച നൃത്തമാണ് ഇന്സ്റ്റഗ്രാമില് നിറയുന്നത്. നടി അമല പോളും ചടങ്ങില് പങ്കെടുത്തിരുന്നു. പേളിയുമൊത്തുള്ള അമലയുടെ ചിത്രവും ഏറെ വൈറലായിക്കഴിഞ്ഞു.
ഇപ്പോഴിതാ പേർളി മാണി പങ്ക് വെച്ചിരിക്കുന്ന എൻഗേജ്മെന്റ് ചിത്രങ്ങളാണ് ശ്രദ്ധേയമാകുന്നത്. അതിന് താരം നൽകിയിരിക്കുന്ന കമന്റുകൾ കൊണ്ടാണ് കൂടുതൽ ശ്രദ്ധ ഫോട്ടോസ് നേടുന്നത്. അമല പോളിനൊപ്പം നിറവയറിൽ ഡാൻസ് കളിക്കുന്ന ഫോട്ടോക്ക് പ്രെഗ്നന്റ് ആണെങ്കിലും ഡാൻസ് മുഖ്യം ബിഗിലേ..! എന്നാണ് കമന്റ് കൊടുത്തത്. ബ്രൈബ് വാങ്ങാതെ ബ്രൈഡിനെ സ്വന്തമാക്കുന്ന ട്രൈബ് എന്നാണ് പ്രതിശ്രുത വരനേയും ശ്രീനിയേയും എല്ലാം താരം പരിചയപ്പെടുത്തിയിരിക്കുന്നത്.