പ്രേക്ഷകർക്ക് ഏറെ ഇഷ്ടമുള്ള താരദമ്പതികൾ ആണ് ഇന്ദ്രജിത്ത് പൂർണിമ.
ഇവരുടെ വിവാഹ വാർഷിക ദിനത്തിൽ പൂർണ്ണിമ ഇന്ദ്രജിത്ത് ഫെയ്സ്ബുക്കിൽ പങ്കുവെച്ച ഒരു പോസ്റ്റ് ഇപ്പോൾ വൈറലാവുകയാണ്. പഴയ ഓർമ്മകളും ചിത്രങ്ങളും പങ്കു വെച്ചുകൊണ്ടാണ് പൂർണിമ ഇന്ദ്രജിത്തിനോടുള്ള സ്നേഹം പ്രകടിപ്പിച്ചത്. ചിത്രം പകര്ത്തിയത് അമ്മ മല്ലിക സുകുമാരനാണെന്നും അന്നു തങ്ങള് പ്രണയബദ്ധരാണെന്ന കാര്യം അമ്മയ്ക്കറിയുമായിരുന്നോ എന്ന് പോലും അറിയാതെ തൊണ്ട വരണ്ടാണ് ഇരുവരും ചിത്രത്തിന് പോസ് ചെയ്യുന്നതെന്നും പൂര്ണിമ തന്റെ കുറിപ്പിൽ പറയുന്നു.
തങ്ങൾ ഒരുമിച്ചുള്ള ആദ്യ ഫോട്ടോയെടുത്ത അന്ന് ഇന്ദ്രജിത്ത് തന്നോട് വിവാഹാഭ്യർത്ഥന നടത്തിയെന്നും അന്ന് തനിക്ക് 21 വയസ്സും താൻ ഒരു നടിയുമായിരുന്നു എന്നും പൂർണിമ കുറിപ്പിൽ പറയുന്നു. അന്ന് ഇന്ദ്രജിത്തിന് 20 വയസ്സായിരുന്നു. അദ്ദേഹം ഒരു വിദ്യാർഥിയായിരുന്നു. ആ ദിവസം തനിക്ക് നല്ലപോലെ ഓർമ്മയുണ്ടെന്നും തങ്ങൾ കടുത്ത പ്രണയത്തിലായിരുന്നുവെന്നും പൂർണ്ണിമ കുറിക്കുന്നു. ഈ ചിത്രം എടുത്തത് അമ്മ മല്ലികാ സുകുമാരൻ ആണെന്നും അതിനാൽ തങ്കളുടെ ഹൃദയം ഉച്ചത്തില് മിടിക്കുന്നുണ്ടായിരുന്നു എന്നും തൊണ്ട വരണ്ടു പോകുന്നുണ്ടായിരുന്നു എന്നും എല്ലാം ഇന്നലെ കഴിഞ്ഞത് പോലെ തോന്നുന്നു എന്നും താരം കുറിക്കുന്നു. അവരുടെ തലയില് പുകയുന്നതെല്ലാം അമ്മയ്ക്കന്ന് മനസ്സിലായിരുന്നോ എന്ന് പൂർണിമയ്ക്ക് അറിയില്ലായിരുന്നു. അമ്മയെ ഇപ്പോൾ നന്നായി അറിയാവുന്നത് കൊണ്ട്, അത് അറിയാമായിരുന്നു എന്നാണിപ്പോൾ തോന്നുന്നത് എന്നും പൂർണിമ പറയുന്നുണ്ട്. 3 വര്ഷത്തെ പ്രണയവും 17 വര്ഷത്തെ ദാമ്പത്യവും പിന്നിട്ട ഇന്ദ്രജിത്തിന് ആശംസകളും പൂർണ്ണിമ നേരുന്നു.
മല്ലികാ സുകുമാരൻ ഉൾപ്പെടെ നിരവധി പേരാണ് ഇവർക്ക് ആശംസകളുമായി രംഗത്തെത്തിയിരിക്കുന്നത്.