തമിഴ് ആന്തോളജി ചിത്രമായ ‘നവരസ’ ഓഗസ്റ്റ് ഒന്പതിന് നെറ്റ്ഫ്ളിക്സില് റിലീസ് ചെയ്യും. സൂര്യയെ നായകനാക്കി ഗൗതം മേനോന് ഒരുക്കുന്ന ‘ഗിറ്റാര് കമ്പി മേലേ നിന്ട്ര്’ല് പ്രയാഗ മാര്ട്ടിനാണ് നായിക. ചിത്രത്തില് സൂര്യ ഒരു സംഗീതജ്ഞന്റെ റോളിലാണ് എത്തുക. ഇരുവരുടേയും ചിത്രങ്ങള് സോഷ്യല് മീഡിയയില് വൈറലാണ്.
പ്രശസ്ത സംവിധായകന് മണിരത്നവും ജയേന്ദ്ര പഞ്ചപാകേശനും ചേര്ന്നാണ് തമിഴില് നവരസ നിര്മിക്കുന്നത്. ഒന്പത് ഹ്രസ്വചിത്രങ്ങളാണ് നവരസയിലുള്ളത്. അഥര്വ, അരവിന്ദ് സ്വാമി, വിജയ് സേതുപതി, പ്രകാശ് രാജ്, അശോക് സെല്വന് യോഗി ബാബു, ബോബി സിംഹ, സിദ്ധാര്ത്ഥ്, പ്രസന്ന തുടങ്ങിയവരാണ് ചിത്രങ്ങളിലെ മറ്റു താരങ്ങള്.
ഗൗതം മേനോന്, കെ.എം.സര്ജുന്, ബിജോയ് നമ്പ്യാര്, പ്രിയദര്ശന്, കാര്ത്തിക് സുബ്ബരാജ്, വസന്ത്, രതിന്ദ്രന് പ്രസാദ് , കാര്ത്തിക് നരേന് തുടങ്ങിയ സംവിധായകര് ചേര്ന്നാണ് ചിത്രം ഒരുക്കുന്നത്.