രജനികാന്ത് നായകനായെത്തിയ പേട്ട ഗംഭീര അഭിപ്രായങ്ങളോടെ പ്രദർശനം ആരംഭിച്ചിരിക്കുകയാണ്.ആദ്യ പ്രദര്ശനങ്ങളിൽ നിന്ന് തന്നെ ചിത്രത്തിന് ബ്ലോക്ക് ബസ്റ്റർ പട്ടം നൽകി കഴിഞ്ഞിരിക്കുകയാണ് ആരാധകർ.കുറച്ചു നാളുകളായി രജനികാന്തിന്റെ മാസ്സ് താരപകിട്ട് അതിന്റെ പൂർണതയിൽ ആവിഷ്കരിച്ച ചിത്രമാകുകയാണ് പേട്ട.
ചിത്രം കേരളത്തിലെ തിയറ്ററുകളിൽ എത്തിച്ചത് പൃഥ്വിരാജിന്റെ പൃഥ്വിരാജ് പ്രൊഡക്ഷൻസും മാജിക്ക് ഫ്രയിമ്സും ചേർന്നായിരുന്നു. ഇപ്പോൾ ചിത്രത്തിന്റെ വിജയാഘോഷത്തിന്റെ ഭാഗമായി നടൻ പൃഥ്വിരാജ് തന്നെ രംഗത്തെത്തിയിരിക്കുകയാണ്. എറണാകുളം സരിത തിയറ്റർ കോംപ്ലക്സിൽ വെച്ചായിരുന്നു വിജയാഘോഷം.താൻ ഒരു വലിയ ഫാൻ ആണെന്നും ബാഷ, പടയപ്പ തുടങ്ങിയ ചിത്രങ്ങൾ തിയറ്ററിൽ പോയി കാണുവാൻ ഭാഗ്യം ലഭിച്ചവരാണ് തങ്ങളുടെ തലമുറയെന്നും അദ്ദേഹം പറഞ്ഞു.