Sunday, May 9

അവർ ചോദിച്ചത് ഒരു ഫൈറ്റ്.. എന്നാൽ അവൻ അവർക്ക് ഒരു യുദ്ധം തന്നെ കൊടുത്തു..! ‘കടുവ’ ഇന്ന് തുടങ്ങുന്നു

Pinterest LinkedIn Tumblr +

ഒരു ഇടവേളക്ക് ശേഷം ഷാജി കൈലാസ് തിരിച്ചെത്തുന്ന പൃഥ്വിരാജ് നായകനായ മാസ്സ് ആക്ഷൻ ചിത്രം കടുവ ഇന്ന് ചിത്രീകരണം ആരംഭിക്കുന്നു. വർഷങ്ങൾക്ക് ശേഷം സംവിധാന രംഗത്തേക്ക് തിരിച്ചെത്തുന്ന ഷാജി കൈലാസ് ഇത്തവണ ഒരു റിയൽ ലൈഫ് സ്റ്റോറിയാണ് ഒരുക്കുന്നത്. പൃഥ്വിരാജിന്റെ ഉടമസ്ഥതയിലുള്ള പൃഥ്വിരാജ് പ്രൊഡക്ഷൻസും ലിസ്റ്റിൻ സ്റ്റീഫന്റെ ഉടമസ്ഥതയിലുള്ള മാജിക് ഫ്രെയിംസും ചേർന്നാണ് ചിത്രം നിർമിക്കുന്നത്. ജിനു ഏബ്രഹാം തിരക്കഥയും രവി കെ ചന്ദ്രൻ ഛായാഗ്രഹണവും നിർവഹിക്കുന്നു. തമൻ എസാണ് സംഗീതം കൈകാര്യം ചെയ്യുന്നത്. ഒരു പോലീസ് വാഹനവും ഇടി കൊണ്ട് പതം വന്ന് കിടക്കുന്ന പോലീസുകാരും കൈയ്യിൽ ചുരുട്ടുമായി മാസ്സ് ലുക്കിൽ ഇരിക്കുന്ന പൃഥ്വിയുള്ള ഫസ്റ്റ് ലുക്ക് വന്നപ്പോൾ തന്നെ കടുവ ഒരു പക്കാ മാസ്സ് ചിത്രം തന്നെയായിരിക്കും പ്രേക്ഷകർ ഉറപ്പിച്ചു കഴിഞ്ഞിരുന്നു. നിരവധി നിയമപ്രശ്‌നങ്ങൾ മറികടന്നാണ് ചിത്രം ഷൂട്ടിംഗ് ആരംഭിക്കുന്നത്.

teevandi enkile ennodu para
Loading...
Share.

About Author

Comments are closed.