ഇന്ന് ലോകം മുഴുവൻ ഫാദേഴ്സ് ഡേ ആഘോഷിക്കുമ്പോൾ നിരവധി മനോഹര സമ്മാനങ്ങളാണ് ഓരോരുത്തരും കാണുന്നതും കേൾക്കുന്നതും. ഒരു പക്ഷേ അത്തരം സമ്മാനങ്ങളിൽ മലയാളി ഇന്ന് കണ്ടതിൽ വെച്ച് ഏറ്റവും മനോഹരമായിരിക്കുന്നത് പൃഥ്വിരാജിന് മകൾ അല്ലി സമ്മാനിച്ചതായിരിക്കും. ഒരു അഞ്ചു വയസ്സുകാരിയാണ് ഈ സമ്മാനം നൽകിയത് എന്നുമോർക്കണം.
സോഷ്യൽ മീഡിയ വഴി പൃഥ്വിരാജ് തന്നെയാണ് ആ സമ്മാനം പങ്ക് വെച്ചിരിക്കുന്നത്. അല്ലി സ്വന്തം കൈയ്യക്ഷരത്തിൽ എഴുതിയ ഒരു കുറിപ്പാണ് പൃഥ്വിരാജിന് സമ്മാനിച്ചിരിക്കുന്നത്. “പ്രിയപ്പെട്ട ദാദ.. അങ്ങേക്ക് ഇത് നല്ലൊരു ദിവസമാണെന്ന് പ്രതീക്ഷിക്കുന്നു. ഈ ദിവസം ദാദക്ക് ഏറ്റവും പ്രിയപ്പെട്ടതാണെന്ന് എനിക്കറിയാം. എല്ലാം നന്നായി തന്നെ നടക്കുന്നു എന്ന് വിശ്വസിക്കുന്നു.” എന്നാണ് അല്ലി ഇംഗ്ലീഷിൽ കുറിച്ചിരിക്കുന്നത്.
വികാരനിർഭരമായ ഒരു കുറിപ്പാണ് പൃഥ്വിരാജ് സോഷ്യൽ മീഡിയയിൽ പങ്കിട്ടതും. അല്ലി എന്നെ കുറച്ചു നാളായി എന്നെ കാണാറില്ലായിരുന്നു. എനിക്ക് ഒരു സമ്മാനം തരുവാൻ ഫാദേഴ്സ് ഡേ ആകാൻ കാത്തിരിക്കുവാണെന്നും അല്ലി പറഞ്ഞിരുന്നു. അഞ്ചാം വയസ്സിൽ അല്ലിയുടെ ഇംഗ്ലീഷ് ആ പ്രായത്തിൽ തനിക്കുണ്ടായിരുന്നതിനേക്കാൾ വളരെ മികച്ചതാണെന്നും പൃഥ്വിരാജ് ഓർമിപ്പിച്ചു.