മമ്മുക്ക നായകനായ മാസ്റ്റർപീസ് ചിത്രമിറങ്ങിയത് മുതൽ ഏറെ ട്രോളുകൾക്ക് വിധേയമായിട്ടുള്ളതാണ്. ഇപ്പോൾ വീണ്ടും ചിത്രത്തിലെ ഒരു ഡയലോഗ് ട്രോളന്മാരുടെ പ്രധാന ആയുധമായിത്തീർന്നിരിക്കുകയാണ്. കോളേജിലെ ബദ്ധവൈരികളായ രണ്ടു ഗ്രൂപ്പുകളിൽ ഒന്നായ റിയൽ ഫൈറ്റേഴ്സിന്റെ ലീഡറായ മഖ്ബൂൽ സൽമാൻ പറയുന്ന ഡയലോഗാണ് ഇപ്പോൾ ട്രോളന്മാർ ഏറ്റെടുത്തിരിക്കുന്നത്. ‘റിയൽ ഫൈറ്റേഴ്സിന് എതിർപ്പില്ല’ എന്ന ആ ഡയലോഗുകളാണ് ഇപ്പോൾ സോഷ്യൽ മീഡിയയിൽ എല്ലാം. ഇതിനിടയിൽ ‘പന്തളം ശശി’ ട്രോളുകൾ വന്നുതുടങ്ങിയതോടെ ‘റിയൽ ഫൈറ്റേഴ്സിന്’ ചെറിയൊരു വിശ്രമം അനുവദിക്കപ്പെട്ടിട്ടുണ്ട്…!