Saturday, February 22

കാസ്റ്റിംഗ് കൗച്ചിൽ നിന്നും രക്ഷപ്പെടാനുള്ള മാർഗം വെളിപ്പെടുത്തി രമ്യ നമ്പീശൻ

Google+ Pinterest LinkedIn Tumblr +

ഇന്ന് സിനിമ ലോകത്ത് ഏറെ ചർച്ച ചെയ്യപ്പെടുന്ന വിഷയങ്ങളിൽ ഒന്നാണ് കാസ്റ്റിംഗ് കൗച്ച് എന്ന വിവാദപരമായ സമ്പ്രദായം. കാസ്റ്റിംഗ് കൗച്ച് ഉണ്ടെന്ന് ചില നടിമാർ വെളിപ്പെടുത്തുമ്പോൾ ഇല്ലായെന്ന് പറഞ്ഞ് മറ്റൊരു കൂട്ടം നടിമാർ. ശ്രീ റെഡ്ഢിയെല്ലാം കൊളുത്തിവിട്ടിരിക്കുന്ന വിവാദ കൊടുങ്കാറ്റ് എന്നാണ് അവസാനിക്കുക എന്നതാണ് ഇപ്പോഴത്തെ ചോദ്യം. അതിനിടയിലാണ് കാസ്റ്റിംഗ് കൗച്ചിൽ നിന്നും രക്ഷപ്പെടാനുള്ള മാർഗം തുറന്ന് കാട്ടി തെന്നിന്ത്യൻ സുന്ദരി രമ്യ നമ്പീശൻ എത്തിയിരിക്കുന്നത്. ടൈംസ് ഓഫ് ഇന്ത്യക്ക് നൽകിയ ഒരു ഇന്റർവ്യൂവിലാണ് നടി ആ പോംവഴി വെളിപ്പെടുത്തിയത്.

” എന്റെ സഹപ്രവർത്തകരും സുഹൃത്തുക്കളും പങ്കുവെച്ച ഇത്ര ഹീനമായ ഒരു സമ്പ്രദായത്തിൽ നിന്നുണ്ടായ അനുഭവങ്ങളെ ഞാൻ കണ്ടില്ലെന്ന് വെക്കുന്നില്ല. ഭാഗ്യവശാൽ എനിക്ക് അങ്ങനെ ഒരു ദുരവസ്ഥയിലൂടെ കടന്ന് പോകേണ്ടി വന്നിട്ടില്ല. ഞാൻ എന്താണ് ചെയ്യുന്നതെന്ന് എനിക്ക് തികഞ്ഞ ബോധ്യമുണ്ട്. അതോടൊപ്പം തന്നെ എനിക്ക് വേണ്ട എന്ന് തോന്നുന്ന കാര്യങ്ങളോട് നോ പറയാനും ഞാൻ പഠിച്ചിട്ടുണ്ട്. എന്റെ സുഹൃത്തുക്കൾക്ക് ഇങ്ങനെയൊരു പ്രശ്നമുണ്ടായതിൽ എനിക്ക് ലജ്ജ തോന്നുന്നു. ഞാൻ അപ്രകാരം ഒരു അവസ്ഥയിൽ കൂടി കടന്നു പോയിട്ടില്ലാത്തതിനാൽ അങ്ങനെയൊന്ന് ഇല്ലായെന്ന് ഞാൻ പറയുന്നില്ല. കാസ്റ്റിംഗ് കൗച്ചിൽ നിന്നും രക്ഷപ്പെടാനുള്ള മാർഗം അതിനെ കുറിച്ച് തുറന്ന് പറയുക എന്നത് തന്നെയാണ്. കാസ്റ്റിംഗ് കൗച്ച് ചർച്ചയാക്കുക. നമുക്കിപ്പോൾ അതിനെ കുറിച്ച് സംസാരിക്കാൻ ഏറെ വേദികളുണ്ട്, അവയ്ക്ക് കാതോർക്കാൻ ആളുകളുമുണ്ട്. ഇത് സിനിമ ലോകത്ത് മാത്രം നടക്കുന്ന ഒന്നല്ല. മറിച്ച് എല്ലായിടത്തും നടക്കുന്നതാണ്. അതിനാൽ തന്നെ സ്ത്രീകൾ ശക്തമായി ഇതിനെക്കുറിച്ച് തുറന്ന് പറയുക. ഇതിനെതിരെ പോരാടുക.”

“Lucifer” “Lucifer”
Loading...
Share.

About Author

Leave A Reply