Thursday, October 22

ഫെമിനിസ്റ്റിന് ‘ഭര്‍ത്താക്കന്‍മാരെ’ ആവശ്യമില്ല, ഞങ്ങള്‍ക്ക് പാര്‍ട്ണര്‍മാരാണുള്ളത്;വിമർശനങ്ങൾക്ക് മറുപടിയുമായി റിമ കല്ലിങ്കൽ

Pinterest LinkedIn Tumblr +

സ്ത്രീകളെ അധിക്ഷേപിച്ച യൂട്യൂബർക്കെതിരെ പ്രതികരിച്ച ഭാഗ്യലക്ഷ്മിയെയും ദിയ സനയെയും അനുകൂലിച്ചും പ്രതികൂലിച്ചും നിരവധി വ്യക്തികൾ രംഗത്തെത്തുന്നുണ്ട്. ഫെമിനിസ്റ്റുകൾക്ക് ഭർത്താക്കന്മാർ ഇല്ല എന്നും പറഞ്ഞവരുണ്ട്. ഈ പ്രസ്താവനക്കെതിരെ ഇപ്പോൾ രംഗത്തെത്തിയിരിക്കുകയാണ് റിമ കല്ലിങ്കൽ.

ശരിയാണ് ഒരു ഫെമിനിസ്റ്റിന് ‘ഭര്‍ത്താക്കന്‍മാരെ’ ആവശ്യമില്ല, ഞങ്ങള്‍ക്ക് പാര്‍ട്ണര്‍മാരാണുള്ളത്. ഞങ്ങള്‍ അവരെ സ്വന്തമായാണ് തെരഞ്ഞെടുക്കുന്നത്. അങ്ങനെയൊരാളെ വേണമെന്ന് തോന്നുന്ന സമയത്ത്’, എന്നാണ് റിമ കല്ലിങ്കലിന്റെ പ്രതികരണം.

സോഷ്യൽ മീഡിയയിലൂടെ സ്ത്രീകളെ ലൈംഗികമായും അല്ലാതെയും അധിക്ഷേപിച്ച വ്യക്തിയെ വീട്ടിൽ കയറി കായികമായി കീഴടക്കിയിരിക്കുകയാണ് ഭാഗ്യലക്ഷ്മിയും കൂട്ടരും. വളരെ മോശമായ രീതിയിൽ അധിക്ഷേപിച്ച ഒരു യൂട്യൂബറെയാണ് ഭാഗ്യലക്ഷ്മി കരി ഓയിൽ പ്രയോഗം നടത്തി വീട്ടിൽ കയറി ആക്രമിച്ച് മാപ്പ് പറയിപ്പിച്ചത്.

പ്രതിഷേധത്തിന്റെ ലൈവ് വീഡിയോ ആക്ടിവിസ്റ്റും ബിഗ് ബോസ് സീസൺ വണ്ണിലൂടെ പ്രശസ്തി നേടുകയും ചെയ്ത ദിയ സന ഫേസ്ബുക്കിലൂടെ പുറത്തുവിട്ടു. വിജയ് പി നായര്‍ എന്ന വ്യക്തി നിരന്തരമായി യൂട്യൂബ് ചാനലിലൂടെ സ്ത്രീത്വത്തെ അപമാനിക്കുന്നെന്ന് ചൂണ്ടിക്കാട്ടി ആക്ടിവിസ്റ്റ് ശ്രീലക്ഷ്മി അറയ്ക്കല്‍ സംസ്ഥാന വനിതാ കമ്മീഷന്‍, സൈബര്‍ സെല്‍, വനിതാ ശിശുക്ഷേമവകുപ്പ്, ജെന്‍ഡര്‍ അഡൈ്വസര്‍ എന്നിവര്‍ക്ക് നേരത്തെ പരാതി നല്‍കിയിരുന്നു. വീഡിയോയിൽ ദിയ സനയും ഭാഗ്യലക്ഷ്മിയും ആ വ്യക്തിയെ കായികമായി കൈകാര്യം ചെയ്യുകയും പിന്നീട് മാപ്പ് പറയിപ്പിക്കുകയും ചെയ്യുന്നുണ്ട്. കേരളത്തിലെ എല്ലാ സ്ത്രീകൾക്കുവേണ്ടിയുള്ള പ്രതിഷേധമാണ് ഇതെന്നും ഇരുവരും പറയുന്നു.

“Lucifer”
Loading...
Share.

About Author

Comments are closed.