Sunday, September 20

“പേടിച്ച് കരഞ്ഞ് ഗീതുവിന്റെ കൈയ്യിൽ കടിച്ചു” അനുഭവം പങ്ക് വെച്ച് റിമി ടോമി [VIDEO]

Pinterest LinkedIn Tumblr +

ഗായികയായും അവതാരകയായും അഭിനേത്രിയായും പ്രേക്ഷകർക്ക് ഏറെ പരിചിതയാണ് റിമി ടോമി. കഴിഞ്ഞ ദിവസം താൻ അവതാരകയായ ഒന്നും ഒന്നും മൂന്ന് എന്ന പ്രോഗ്രാമിൽ രസകരമായ ഒരു സംഭവം തുറന്ന് പറഞ്ഞിരിക്കുകയാണ് റിമി. നടി നമിത പ്രമോദ് അതിഥിയായെത്തിയ പരിപാടിയിൽ നായകളേയും ഫ്ലൈറ്റിൽ കയറലിനെയുമാണ് തനിക്ക് ഏറ്റവും പേടിയെന്ന് തുറന്ന് പറഞ്ഞ റിമി അങ്ങനെ ഒരിക്കൽ ഫ്ലൈറ്റിൽ വെച്ച് നടിയും സംവിധായികയുമായ ഗീതു മോഹൻദാസിനെ കടിച്ച സംഭവം പങ്ക് വെച്ചിരിക്കുകയാണ്.

ഒരിക്കൽ ഫ്ലൈറ്റിൽ വെച്ച് ഞാൻ ഗീതു മോഹൻദാസിന്റെ കൈയ്യിൽ കടിച്ചു. കൊച്ചിയിൽ നിന്ന് തിരുവനന്തപുരത്തേക്ക് പോവുകയായിരുന്നു ഞങ്ങൾ. അന്ന് ഗീതു ഒരു മാസം ഗർഭിണിയായിരുന്നു. എന്റെ അടുത്ത് അനുജൻ റിങ്കു ആയിരുന്നു ആദ്യം. ഇടക്ക് റിങ്കുവിനെ മാറ്റി ഗീതു മോഹൻദാസ് അടുത്ത് വന്നിരുന്നു. സാധാരണ ഫ്ലൈറ്റിൽ അങ്ങനെ കുലുക്കം ഉണ്ടാവാറില്ല. അന്ന് പക്ഷേ പതിവില്ലാത്ത കുലുക്കം. ഞാൻ ശരിക്കും പേടിച്ചു. കരഞ്ഞു പ്രാർത്ഥിച്ചു കൊണ്ടിരുന്നു. അന്ന് അനിയന്റെ കല്യാണം കൂടി കഴിഞ്ഞിട്ടില്ല. അതൊക്കെ ഓർത്തായിരുന്നു എന്റെ പേടി. എന്താ സംഭവിക്കുന്നത് എന്ന് ഞാൻ എയർ ഹോസ്റ്റസ്സിനോട് ചോദിച്ചു കൊണ്ടിരുന്നു. ഫ്ലൈറ്റ് ഇറങ്ങി കഴിഞ്ഞപ്പോൾ ഗീതു എന്നെ വിളിച്ച് കൈയ്യിലെ പാട് കാണിച്ചു തന്നു. ഇത് എന്താണെന്ന് അറിയാമോ എന്നു ചോദിച്ചു. എനിക്കൊന്നും മനസ്സിലായില്ല. ഞാൻ പേടിച്ച് നിലവിളിച്ച സമയത്ത് കടിച്ചതാണെന്ന് ഗീതു പറഞ്ഞു.

“Lucifer”
Loading...
Share.

About Author

Comments are closed.