Thursday, February 21

വേറിട്ടൊരു ക്യാമ്പസ് സ്റ്റോറിയുമായി സകലകലാശാല | റിവ്യൂ വായിക്കാം

Google+ Pinterest LinkedIn Tumblr +
“Priya”

ക്യാമ്പസ് ചിത്രങ്ങൾ എന്നും മലയാളികളുടെ ഇഷ്ടമേഖലയാണ്. നല്ല പ്രമേയവും അവതരണവുമുള്ള ക്യാമ്പസ് ചിത്രങ്ങളെ മലയാളിപ്രേക്ഷകർ ഇരുകൈയ്യും നീട്ടി സ്വീകരിച്ചിട്ടുണ്ട്. ആ ഒരു നിരയിലേക്ക് എത്തിച്ചേർന്നിരിക്കുന്ന ഒരു ക്യാമ്പസ് ചിത്രമാണ് നിറഞ്ജ്, മാനസ എന്നിവർ പ്രധാനവേഷങ്ങളിൽ എത്തിയ സകലകലാശാല. സാധാരണ ക്യാമ്പസ് ചിത്രങ്ങളിൽ നിന്നും വേറിട്ട് നിൽക്കുന്നൊരു പ്രമേയവും അവതരണവുമാണ് ചിത്രത്തെ വ്യത്യസ്ഥമാക്കുന്നത്. ക്യാമ്പസ്സിന് പുറത്തേക്ക് പ്രേക്ഷകരെ കൊണ്ട് പോകുകയാണ് സംവിധായകൻ വിനോദ് ഗുരുവായൂർ ചെയ്‌തിരിക്കുന്നത്‌. ആധുനിക സാങ്കേതികവിദ്യയുടെ സാധ്യതകളെ കൂടി ചിത്രം ചർച്ച ചെയ്യുന്നു.

Sakalakalshala Malayalam Movie Review

Sakalakalshala Malayalam Movie Review

അക്കു എന്ന് വിളിക്കുന്ന അക്ബർ വളരെയധികം മിടുക്കനായ ഒരു എഞ്ചിനീയറിംഗ് വിദ്യാർത്ഥിയാണ്. കോളേജിന് തന്നെ അഭിമാനമായ അക്ബർ അപ്രതീക്ഷിതമായി ഒരു ബാങ്ക് മോഷണക്കേസിൽ കുടുങ്ങുന്നു. ആധുനിക സാങ്കേതിക വിദ്യയുടെ സഹായത്തോടെ ചെയ്യപ്പെടുന്ന മോഷണം തന്നെയാണ് അക്ബറിന് വിനയായി ഭവിക്കുന്നത്. തന്റെ നിരപരാധിത്വം തെളിയിക്കുവാനുള്ള അക്ബറിന്റെ ശ്രമങ്ങളാണ് ചിത്രത്തിന്റെ ഇതിവൃത്തം. പ്രേക്ഷകർക്ക് ഇഷ്ടപ്പെടുന്ന ഒരു പ്രകടനം തന്നെയാണ് നായകൻ എന്ന നിലയിൽ നിറഞ്ജിൽ നിന്നും കാണാൻ സാധിക്കുന്നത്. ഗാനരംഗങ്ങളിലും സംഘട്ടനരംഗങ്ങളിലും മികച്ചൊരു പ്രകടനം തന്നെ നിറഞ്ജ് കാഴ്‌ച വെച്ചിട്ടുണ്ട്. മാനസയും പ്രേക്ഷകരുടെ ഇഷ്‌ടം പിടിച്ചു പറ്റുന്ന ഒരു പ്രകടനം പ്രേക്ഷകർക്ക് സമ്മാനിച്ചിട്ടുണ്ട്.

Sakalakalshala Malayalam Movie Review

Sakalakalshala Malayalam Movie Review

സകലകലാശാലയെ പ്രേക്ഷകരുടെ പ്രിയങ്കരമാക്കി തീർക്കുന്നതിൽ ചിത്രത്തിലെ ഓരോ കഥാപാത്രങ്ങളും വഹിച്ച പങ്ക് വളരെ വലുതാണ്. ഷമ്മി തിലകന്റെ കല്ലറക്കലച്ചനും ടിനി ടോമിന്റെ കൊളത്തിപ്പറമ്പിലച്ചനും പ്രേക്ഷകരെ ഏറെ രസിപ്പിച്ചു. ഹരീഷ് കണാരൻ, നിർമൽ പാലാഴി, ഗ്രിഗറി, ധർമജൻ എന്നിങ്ങനെ ചിരിയുടെ രസക്കൂട്ട് സ്വന്തമായിട്ടുള്ള ഒരു കൂട്ടം കലാകാരന്മാർ അണിനിരന്നപ്പോൾ ക്യാമ്പസ്സിലെ ചിരികൾക്ക് നൂറ് വർണ്ണങ്ങളായി. പാഷാണം ഷാജി, രൺജി പണിക്കർ എന്നിവരും അവരവരുടേതായ സംഭാവനകൾ ചിത്രത്തിന് സമ്മാനിക്കുകയും ചെയ്‌തു. ജയരാജ് സെഞ്ചുറിയും മുരളി ഗിന്നസും ചേർന്നൊരുക്കിയ തിരക്കഥ പ്രേക്ഷകന് ഒരിക്കലും ഒരു ലാഗിങ്ങ് അനുഭവിക്കാനുള്ള അവസരം നൽകുന്നില്ല. മനോജ് പിള്ളയുടെ ഛായാഗ്രഹണവും ചിത്രത്തിന്റെ ആസ്വാദനത്തിനു മിഴിവേകുന്നുണ്ട്. ഗാനങ്ങളും ഏറെ മികച്ചു നിൽക്കുന്നു. ക്ലിഷേ ക്യാമ്പസ് ചിത്രങ്ങൾ കണ്ടുമടുത്ത മലയാളികൾക്ക് വ്യത്യസ്‌തമായൊരു അവതരണം നൽകുന്ന സകലകലാശാല തീർത്തും ആസ്വദിക്കാവുന്ന ഒരു എന്റർടൈനറാണ്.

Sakalakalshala Malayalam Movie Review

Sakalakalshala Malayalam Movie Review

“Peranpu”
Share.

About Author

Comments are closed.