രംഗസ്ഥലം എന്ന ചിത്രത്തിൽ റാം ചരണുമായുള്ള ചുംബനരംഗത്തെ പ്രതി ഏറെ പഴി കേൾക്കേണ്ടി വന്ന നടിയാണ് സാമന്ത. വിവാഹിതയായിട്ടും ചുംബനരംഗത്തിൽ അഭിനയിച്ചുവെന്ന് പറഞ്ഞായിരുന്നു കുറ്റപ്പെടുത്തലുകൾ. ഇപ്പോഴിതാ സാമന്തയും ഭർത്താവ് നാഗചൈതന്യയും ഒന്നിക്കുന്ന മജിലി എന്ന ചിത്രത്തിൽ നാഗചൈതന്യയും സഹനടി ദിവ്യൻഷാ കൗഷികും തമ്മിലുള്ള ലിപ്ലോക്ക് രംഗമാണ് ചർച്ചാവിഷയമായിരിക്കുന്നത്. ഇതിനെക്കുറിച്ച് സാമന്തയുടെ പ്രതികരണം ഇപ്രകാരമായിരുന്നു.
“ഞാനും ചായും (നാഗചൈതന്യ) തമ്മിൽ മനോഹരമായ ഒരു ബന്ധവും മനോഹരമായ ഒരു സൗഹൃദവും മനോഹരമായ ഒരു വിവാഹവുമാണ് ഉള്ളതെന്ന് ആളുകൾ ദയവായി മനസ്സിലാക്കണം. അഭിനയവും ജീവിതവും തമ്മിൽ വ്യക്തമായ വ്യത്യാസമുണ്ട്. എന്നെ സംബന്ധിച്ചിടത്തോളം അഭിനയിക്കുമ്പോൾ ഒരു ഹഗും ഒരു കിസ്സും ഒരേ പോലെയാണ്.”
“ഞങ്ങൾ രണ്ടുപേർക്കും ഒരേപോലെ ഉള്ള നിയമങ്ങളാണ്. ഞങ്ങൾ രണ്ടുപേരും വിവാഹിതരാണ്. അപ്പോൾ അവിടെ ഒരു വേർതിരിവിന്റെ ആവശ്യമില്ല. ഏകദേശം എട്ട് വർഷത്തോളം ഈ ഒരു നിലയിലെത്തുവാൻ ഞങ്ങൾക്ക് വേണ്ടി വന്നു.”