പാലക്കാട്ടെ തന്റെ പ്രചരണത്തിന് ഒപ്പം നിന്ന നടനും കോണ്ഗ്രസ് പ്രവര്ത്തകനുമായ രമേഷ് പിഷാരടിക്ക് നന്ദി പറഞ്ഞ് എംഎല്എ ഷാഫി പറമ്പില്. ഫേസ്ബുക്ക് കുറിപ്പിലൂടെയാണ് ഷാഫി നന്ദി അറിയിച്ചത്. നിയമസഭാ തെരഞ്ഞെടുപ്പിന് മുന്പായി നടന് രമേശ് പിഷാരടി കോണ്ഗ്രസില് അംഗത്വം നേടിയത് വലിയ വാര്ത്തയായിരുന്നു. തെരഞ്ഞെടുപ്പ് പ്രചാരണത്തിലും നടന് തന്റെ സാന്നിധ്യം അറിയിച്ചിരുന്നു. അതേ സമയം തെരഞ്ഞെടുപ്പില് കോണ്ഗ്രസ് പരാജയം ഏറ്റുവാങ്ങിയതിന് പിന്നാലെ നിരവധി ട്രോളുകളാണ് രമേശ് പിഷാരടിയ്ക്ക് നേരെ സമൂഹ മാധ്യമങ്ങളില് നിന്ന് ഉയര്ന്നിരുന്നു.
‘അവരവര്ക്കിഷ്ടപെടുന്ന പ്രസ്ഥാനങ്ങള്ക്ക് വേണ്ടി പ്രചരണത്തിന് ഇറങ്ങാനോ മത്സരിക്കാനോ ഉള്ള സ്വാതന്ത്ര്യം മുകേഷിനും ഇന്നസെന്റിനും മാത്രമല്ല സലീം കുമാറിനും പിഷാരടിക്കും ധര്മ്മജനും ജഗദീഷിനുമൊക്കെയുണ്ട്.’ എന്നും ഷാഫി പറമ്പില് പറഞ്ഞു.
ഷാഫി പറമ്പിലിന്റെ ഫേസ്ബുക്ക് പോസ്റ്റ്
നന്ദി പിഷാരടി .
ആര്ജ്ജവത്തോടെ ഒപ്പം നിന്നതിന്. നിര്ണ്ണായകമായ ഒരു വിജയത്തിന് സാന്നിദ്ധ്യം കൊണ്ട് കരുത്ത് പകര്ന്നതിന്.
അവരവര്ക്കിഷ്ടപെടുന്ന പ്രസ്ഥാനങ്ങള്ക്ക് വേണ്ടി പ്രചരണത്തിന് ഇറങ്ങാനോ മത്സരിക്കാനോ ഉള്ള സ്വാതന്ത്ര്യം മുകേഷിനും ഇന്നസെന്റിനും മാത്രമല്ല സലീം കുമാറിനും പിഷാരടിക്കും ധര്മ്മജനും ജഗദീഷിനുമൊക്കെയുണ്ട്.
രമേഷ് പിഷാടരടി പ്രചരണത്തിനുപോയിടത്തെല്ലാം യുഡിഎഫ് സ്ഥാനാര്ഥികള് പരാജയപ്പെട്ടു എന്നത് ഉയര്ത്തിയാണ് അദ്ദേഹത്തിനെതിരെ ട്രോളുകള് നിറഞ്ഞത്. നേരത്തെ രാഹുല് മാങ്കൂട്ടത്തില്, പിടി തോമസ് ഉള്പ്പെടെയുള്ള കോണ്ഗ്രസ് പ്രവര്ത്തകര് പിഷാരടിക്ക് പിന്തുണയുമായി രംഗത്തെത്തിയിരുന്നു.