മലയാളികൾക്ക് ഏറെ പ്രിയപ്പെട്ട താരമാണ് ഷംന കാസിം. വിവാഹം ആലോചിച്ച് വന്ന് പണം തട്ടിപ്പ് നടത്തുവാൻ ശ്രമിച്ച കേസിൽ നിന്നും മോചിതരായി വരുന്നേയുള്ളൂ ഷംന കാസിമിന്റെ കുടുംബം. ഇപ്പോൾ വിവാഹം എന്ന പേര് കേൾക്കുന്നത് തന്നെ പേടിയാണ് എന്നാണ് താരം പറയുന്നത്. എന്നാൽ വിവാഹം കഴിക്കാൻ സാധിക്കില്ല എന്ന് വീട്ടുകാരോട് പറയുവാനും ഷംനക്ക് മടിയാണ്. വിവാഹ വാഗ്ദാനം നൽകി താരത്തിന്റെ കയ്യിൽ നിന്നും വലിയ ഒരു തുക തട്ടാൻ ശ്രമിച്ച വിഷയം വളരെ ചർച്ചാവിഷയമായ ഒന്നാണ്. ഷംനയുമായി സൗഹൃദത്തിലായി പിന്നീട് ഭീഷണിപ്പെടുത്തി പണം വാങ്ങാൻ ശ്രമിക്കുകയായിരുന്നു.
ഷംനയുടെ പരാതിയെ തുടർന്ന് പോലീസ് ഇവർക്കെതിരെ കേസെടുത്തു. ഈ സംഘത്തിന് സ്വർണ്ണക്കടത്ത് സംഘവുമായി ബന്ധമുണ്ടെന്നു പോലീസ് നേരത്തെ സ്ഥിരീകരിച്ചെങ്കിലും ഇവർക്കെതിരെ ഒരു കുറ്റപത്രം പോലും ഇതുവരെ സമർപ്പിച്ചിട്ടില്ല. വരാനായി അഭിനയിച്ചു ഷംനയുടെ വീട്ടിൽ എത്തിയ ഒന്നാം പ്രതിയായ റഫീഖ്, രണ്ടാം പ്രതി രമേശ്, മൂന്നാം പ്രതി ശരത്, നാലാം പ്രതി അഷറഫ് എന്നിവർക്കാണ് എറണാകുളം ഫസ്റ്റ് ക്ലാസ്സ് മജിസ്ട്രേറ്റ് ജാമ്യം നൽകിയത്. പരാതി നൽകിയത് രണ്ടുമാസം ആയെങ്കിൽ കൂടി ഇതുവരെ അവർക്കെതിരെ ഒരു തെളിവും കണ്ടെത്താൻ പോലീസിന് സാധിച്ചിട്ടില്ല. ഷംന പരാതി നൽകിയതിനെ തുടർന്ന് മറ്റു പല യുവതികളും ഇവർക്കെതിരെ പരാതികൾ നൽകിയിട്ടുണ്ട്