കഴിഞ്ഞദിവസം ആയിരുന്നു തമിഴ് സിനിമ നിർമാതാവ് രവീന്ദർ ചന്ദ്രശേഖരനും അവതാരകയും നടിയുമായ മഹാലക്ഷ്മിയും വിവാഹിതരായത്. എന്നാൽ വിവാഹ ഫോട്ടോകൾ പുറത്തു വന്നതിനു പിന്നാലെ നടി മഹാലക്ഷ്മിക്ക് എതിരെ സൈബർ ആക്രമണം ശക്തമായിരിക്കുകയാണ്. ഇവരുടെ വിവാഹ ഫോട്ടോകളും വീഡിയോകളും എല്ലാം സോഷ്യൽ മീഡിയയിൽ വൈറലായിരുന്നു. ആശംസകൾ നേർന്ന് നിരവധി പേർ രംഗത്തെത്തിയപ്പോൾ നെഗറ്റീവ് കമന്റുകളുമായി അതിലേറെ പേരാണ് രംഗത്തെത്തിയത്.
നടി പണം നോക്കിയാണ് വിവാഹം കഴിച്ചതെന്നും ‘പണത്തെ അല്ലാതെ കുടവയറ് നോക്ക് പ്രണയിക്കാൻ പറ്റുമോ’ എന്നൊക്കെ കമന്റുകൾ വന്നു. ആദ്യവിവാഹത്തിന് അല്ലേ സൗന്ദര്യം ആവശ്യമെന്നും രണ്ടാം വിവാഹത്തിന് പണം തന്നെയാണ് പ്രധാനമെന്നുമാണ് മറ്റ് ചിലരുടെ കമന്റ്. അതേസമയം, ഇത് ശരിക്കുള്ള കല്യാണമാണോ എന്ന് സംശയിക്കുന്നവരും ഉണ്ട്. പണം തീർന്നാൽ ഡിവോഴ്സ് ആകും. ഈ ദാമ്പത്യത്തിന് അത്രയേ ആയുസ് ഉള്ളൂ എന്നാണ് മറ്റ് ചിലരുടെ വാദം. മിക്കവാറും കമന്റുകൾ തികച്ചും വ്യക്തിഹത്യ നടത്തുന്ന തരത്തിലുള്ളതാണ്.
തിരുപ്പതി അമ്പലത്തിൽ വെച്ച് കഴിഞ്ഞദിവസം ആയിരുന്നു മഹാലക്ഷ്മിയുടെയും രവീന്ദർ ചന്ദ്രശേഖരന്റെയും വിവാഹം നടന്നത്. ഫാറ്റ്മാൻ എന്നാണ് രവീന്ദർ ചന്ദ്രശേഖർ അറിയപ്പെടുന്നത്. അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹത്തിൽ പങ്കെടുത്തത്. വിവാഹചിത്രങ്ങൾ മഹാലക്ഷ്മി സോഷ്യൽ മീഡിയയിൽ പങ്കുവെച്ചിരുന്നു. ‘നിന്നെ കിട്ടിയത് എന്റെ ജീവിതത്തിലെ ഏറ്റവും വലിയ ഭാഗ്യമാണ്’ എന്ന് പറഞ്ഞുകൊണ്ടാണ് മഹാലക്ഷ്മി വിവാഹചിത്രങ്ങൾ സോഷ്യൽ മീഡിയയിൽ പങ്കുവെച്ചത്.