നൃത്തം അഭ്യസിക്കുന്നവർക്ക് എന്നും ഒരു അഴകേറും എന്നുള്ളത് സത്യമാണ്. ശോഭന, ലക്ഷ്മി ഗോപാലസ്വാമി തുടങ്ങിയവർ എല്ലാം അതിന് ഉദാഹരണമാണ്. അക്കൂട്ടത്തിൽ തന്നെ ഉൾപ്പെടുത്താവുന്ന മറ്റൊരു നടിയാണ് ശ്രീജയ. കന്മദം, ഒടിയൻ, അരവിന്ദന്റെ അതിഥികൾ തുടങ്ങിയ ചിത്രങ്ങളിലൂടെ മലയാളികൾക്ക് സുപരിചിതയായ ശ്രീജയയുടെ മകൾ മൈഥിലിയും ഒന്നിച്ചുള്ള നൃത്തമാണ് ഇപ്പോൾ പ്രേക്ഷകരെ അത്ഭുതപ്പെടുത്തുന്നത്. ശ്രീജയയ്ക്ക് ഇത്ര വലിയൊരു മകൾ ഉണ്ടോയെന്നാണ് പ്രേക്ഷകരുടെ സംശയം. വനിത മാഗസിന് വേണ്ടിയാണ് ശ്രീജയയും മകളും ചുവട് വെച്ചത്. ബാംഗ്ലൂർ കോറമംഗലത്ത് ശ്രീജയ സ്കൂൾ ഓഫ് ഡാൻസ് നടത്തുകയാണ് ശ്രീജയ ഇപ്പോൾ. അഞ്ച് ബ്രാഞ്ചുകളിലായി അഞ്ഞൂറോളം കുട്ടികൾ ശ്രീജയ സ്കൂൾ ഓഫ് ഡാൻസിൽ നൃത്തം അഭ്യസിക്കുന്നുണ്ട്.