Thursday, July 2

തങ്ങളുടെ പ്രിയതാരങ്ങളിൽ മുതൽ കാപ്പിയിൽ വരെ !! ‘സുരേഷ് ഗോപി 250’ ലുക്ക് ആഘോഷമാക്കി സോഷ്യൽ മീഡിയ

Pinterest LinkedIn Tumblr +

മലയാളികളുടെ പ്രിയങ്കരനായ സൂപ്പർ സ്റ്റാർ സുരേഷ് ഗോപിയുടെ അറുപത്തിയൊന്നാം പിറന്നാൾ ആയിരുന്നു കഴിഞ്ഞ ദിവസം. മുമ്പെങ്ങും കാണാത്ത വിധത്തിലുള്ള വലിയ ആഘോഷ പരിപാടികളോടെ താരത്തിന്റെ പിറന്നാൾ ആഘോഷിക്കുകയും ചെയ്തു അദ്ദേഹത്തിൻറെ ആരാധകർ .രാവിലെ നിഥിൻ രഞ്ജി പണിക്കർ സംവിധാനം ചെയ്യുന്ന കാവലിന്റെ ടീസർ പുറത്ത് വിട്ടപ്പോൾ വൈകുന്നേരം സുരേഷ് ഗോപിയുടെ ഇരുനൂറ്റി അമ്പതാം ചിത്രത്തിന്റെ മോഷൻ പോസ്റ്റർ പുറത്ത് വിട്ടായിരുന്നു ആഘോഷത്തിന് മാറ്റ് കൂട്ടിയത്.

‘സുരേഷ് ഗോപി 250’ന്റെ മോഷൻ പോസ്റ്ററിന് വലിയ സ്വീകാര്യത ആണ് ലഭിച്ചത്. തങ്ങളുടെ പ്രിയപ്പെട്ട താരങ്ങളെ സുരേഷ് ഗോപിയുടെ ലുക്ക് പോലെ ഫോട്ടോഷോപ്പ് ചെയ്താണ് ചിലർ ആഘോഷമാക്കിയത് . മറ്റ് ചിലർ കാപ്പിച്ചിനോയിൽ സുരേഷ് ഗോപിയുടെ ഫോട്ടോ ഉണ്ടാക്കിയെടുത്തു. ചില കുട്ടി ആരാധകരും സുരേഷ് ഗോപിയുടെ പുതിയ ലുക്ക് അനുകരിക്കുന്നുണ്ട്.

പോസ്റ്ററിൽ സുരേഷ് ഗോപി തന്റെ വാച്ചിൽ നിന്നും സിഗരറ്റ് കത്തിച്ച് വലിക്കുന്നുണ്ട്. അതുപോലെ കയ്യിൽ അണിയുന്നത് കുരിശ് ചിഹ്നമുല്ല ഒരു ഇടിവളയുമാണ്. ഇത് രണ്ടും ഇപ്പോൾ സോഷ്യൽ മീഡിയയിൽ വൈറലാകുകയാണ്. പല ആളുകളും ഇതിനോടകം തന്നെ ഈ രണ്ട് വസ്തുക്കളും സ്വന്തമാക്കി കഴിഞ്ഞു. ഓൺലൈൻ വ്യാപാര സൈറ്റായ ഫ്ലിപ്കാർട്ടിൽ ഇത് ലഭ്യമാണ്. എന്തായാലും വെറും ഒരു മോഷൻ പോസ്റ്റർ കൊണ്ട് മാത്രം തന്നെ ഈ കഥാപാത്രം പ്രേക്ഷകരുടെ ഉള്ളിൽ കയറിയെന്ന് ഉറപ്പാണ്.

ടോമിച്ചൻ മുളകുപ്പാടം ആണ് നിർമിക്കുന്നത്. ചിത്രത്തിന് വേണ്ടി സംഗീതം ഒരുക്കുന്നത് അർജുൻ റെഡ്ഢി, കബീർ സിംഗ്, ദുൽഖർ സൽമാൻ നായകനായ കണ്ണും കണ്ണും കൊള്ളയടിത്താൽ തുടങ്ങിയ ചിത്രങ്ങൾക്ക് പശ്ചാത്തലസംഗീതം ഒരുക്കിയ ഹർഷവർദ്ധൻ രാമേശ്വർ ആണ്. അജയ് ദേവ്ഗൺ ചിത്രം തൻഹാജിയിൽ ഒരു ഗാനവും ആലപിച്ചിട്ടുണ്ട് ഹർഷവർദ്ധൻ .നവാഗതനായ മാത്യൂസ് തോമസ് സംവിധാനം നിർവഹിക്കുന്ന ചിത്രം കുടുംബപ്രേക്ഷകർക്കും യുവാക്കൾക്കും ഒരേപോലെ ഇഷ്ടപ്പെടുന്ന ചിത്രമായിരിക്കുമെന്നാണ് അറിയുവാൻ കഴിയുന്നത്. ചിത്രത്തിൽ ജോജു ജോസഫ്, മുകേഷ് എന്നിങ്ങനെ വമ്പൻ താരനിര തന്നെ അണിനിരക്കുമെന്നാണ് റിപ്പോർട്ട്. നായികയെ ഇതുവരെ തീരുമാനിച്ചിട്ടില്ലാത്ത ചിത്രത്തിലേക്ക് നായിക ബോളിവുഡിൽ നിന്നുമായിരിക്കും എന്നാണ് സൂചന. സുരേഷ് ഗോപിയുടെ എക്കാലത്തേയും വമ്പൻ ഹിറ്റുകളിലൊന്നായ ലേലം പോലെയൊരു ചിത്രമായിരിക്കുമിതെന്നും അണിയറ പ്രവർത്തകരിൽ നിന്നും അറിയുന്നു. വമ്പൻ മുതൽമുടക്കിൽ ഒരുങ്ങുന്ന ചിത്രത്തിന്റെ സംവിധായകൻ മാത്യൂസ് തോമസ് ജോണി ആന്റണി, രഞ്ജിത് ശങ്കർ, അമൽ നീരദ്, ഖാലിദ് റഹ്മാൻ എന്നിവരുടെ ഒപ്പം സഹസംവിധായകനായി പ്രവർത്തിച്ചിട്ടുണ്ട്. വരത്തൻ, ഉണ്ട, കെട്ട്യോളാണ് എന്റെ മാലാഖ, പ്രേതം 2 തുടങ്ങിയ ചിത്രങ്ങളുടെ ഭാഗമായി മാത്യൂസ് തോമസ് പ്രവർത്തിച്ചിട്ടുണ്ട്.

“Lucifer”
Loading...
Share.

About Author

Comments are closed.