Sunday, October 25

തമന്ന കോവിഡ് മുക്ത; ഫിറ്റ്നസ് വീണ്ടെടുക്കാൻ ഉള്ള ശ്രമത്തിൽ താരം [VIDEO]

Pinterest LinkedIn Tumblr +

തെന്നിന്ത്യൻ താര സുന്ദരി തമന്നയ്ക്ക് കോവിഡ് സ്ഥിരീകരിച്ചിരുന്നു. കൊറോണയെ അതിജീവിച്ച് വീട്ടിൽ മടങ്ങിയെത്തിയ തമന്നയ്ക്ക് ഊഷ്മള സ്വീകരണം നൽകിയിരുന്നു വീട്ടുകാർ. ആദ്യം കോവിഡ് സ്ഥിരീകരിച്ചത് താരത്തിന്റെ മാതാപിതാക്കൾക്ക് ആയിരുന്നു. അതിനു പിന്നാലെയാണ് താരത്തിനും കൊറോണ ബാധിച്ചത്. മടങ്ങി വീട്ടിലെത്തിയ തമന്നക്ക് ഊഷ്മള സ്വീകരണം നൽകുന്ന വീഡിയോ താരം തന്നെയാണ് തന്റെ ഇൻസ്റ്റഗ്രാം പേജിലൂടെ പുറത്തു വിട്ടത്. താരത്തിന് അസുഖം ബാധിച്ചതിനെ തുടർന്ന് ആരാധകർ കടുത്ത നിരാശയിലായിരുന്നു. മാതാപിതാക്കൾക്ക് അസുഖം ബാധിച്ചതിനെ തുടർന്ന് ഒരു മാസത്തിനു ശേഷമാണ് തമന്നയ്ക്ക് കൊവിഡ് പോസിറ്റീവ് ആയത്.

ഇപ്പോഴിതാ പത്ത് ദിവസങ്ങൾക്ക് ഇപ്പുറം വീട്ടിൽ ഐസൊലേഷനിൽ ആയിരുന്ന തമന്ന പഴയപോലെ വർക്ക് ഔട്ടുകൾ തുടങ്ങിയതിന്റെ വീഡിയോ തന്റെ ഇൻസ്റ്റാഗ്രാം അക്കൗണ്ടിലൂടെ പുറത്തുവിട്ടിരിക്കുകയാണ്. ബാക് ടു ഫിറ്റ്നസ്- ഡേ വൺ എന്നാണ് വിഡിയോയ്ക്ക് താഴെ കുറിച്ചിരിക്കുന്നത്. നേരത്തെ തന്നെ വളരെ ഫിറ്റ് ആയിട്ടുള്ള ഒരു ബോഡിയാണ് തമന്നയുടെത്. യോഗയും ജിമ്മും ഡാൻസുമെല്ലാം ചെയ്ത ബോഡി എപ്പോഴും ശ്രദ്ധിക്കുന്ന തമന്ന കുറച്ചു ദിവസങ്ങളായി വർക്ക് ഔട്ട് ചെയ്തിരുന്ന ഒന്നെയെന്ന് തുടങ്ങിയതിന്റെ പ്രയാസം തൊട്ട് ഇന്ന് ഉണ്ടായ മാറ്റം വരെയാണ് വീഡിയോയിൽ ഉൾക്കൊള്ളിച്ചിരിക്കുന്നത്. ശ്രുതി ഹസ്സൻ ഉൾപ്പെടെ നിരവധി താരങ്ങൾ ഇതിനു താഴെ കമന്റുമായി എത്തിയിട്ടുണ്ട്. ആശുപത്രിവിട്ടു എന്റെ സ്റ്റാമിന തിരികെ നേടാനുള്ള സമയമായി എന്നാണ് തമന്ന പറയുന്നത്.

‘കൊച്ചുകുഞ്ഞിനെ പോലെ ചുവടുകൾ വച്ച് എന്റെ സ്റ്റാമിന തിരികെ നേടാനുള്ള സമയമാണിത്. കൊറോണ വൈറസിൽ നിന്ന് കര കയറിയതിനു ശേഷം ഏറ്റവും പ്രധാനപ്പെട്ട ഒരു ഘട്ടമാണിത്. മുന്നോട്ടു പോകുക, പക്ഷെ നിങ്ങളുടെ ശരീരം ശ്രദ്ധിക്കുന്നുണ്ടെന്ന് ഉറപ്പാക്കുക.”- തമന്ന പറയുന്നു.

“Lucifer”
Loading...
Share.

About Author

Comments are closed.