വിജയ് – ആറ്റ്ലീ കൂട്ടുകെട്ടിൽ എത്തുന്ന ദീപാവലി റിലീസായ ബിഗിൽ ഈ വെള്ളിയാഴ്ചയാണ് തീയറ്ററുകളിൽ എത്തുന്നത്. വമ്പൻ വരവേൽപ്പ് ചിത്രത്തിന് നല്കാൻ ഒരുങ്ങിക്കഴിഞ്ഞ വിജയ് ആരാധകരെ നിരാശപ്പെടുത്തുന്നതാണ് പുതിയ വാർത്തകൾ. ദീപാവലി റിലീസുകളായ വിജയ്യുടെ ബിഗിലിനും കാർത്തിയുടെ കൈതിക്കും ഫാൻസ് ഷോകളും സ്പെഷ്യൽ ഷോകളും അനുവദിക്കില്ല എന്നാണ് തമിഴ്നാട് സർക്കാരിന്റെ പുതിയ തീരുമാനമെന്ന് മാധ്യമങ്ങൾ റിപ്പോർട്ട് ചെയ്യുന്നുണ്ട്. എന്നാൽ അധികം ചാർജ് ഈടാക്കാതിരിക്കുകയാണെങ്കിൽ ഫാൻസ് ഷോകളും സ്പെഷ്യൽ ഷോകളും അനുവദിക്കുമെന്നും അറിയുന്നു.
അതേ സമയം കേരളത്തിൽ ബിഗിൽ ഫാൻസ് ഷോകളുടെ എണ്ണം 250ന് മുകളിൽ എത്തിയെന്നാണ് റിപ്പോർട്ടുകൾ. വിജയും അറ്റ്ലീയും വീണ്ടു ഒന്നിക്കുന്ന മെഗാമാസ്സ് സ്പോർട്സ് മൂവിയാണ് ‘ബിഗിൽ’. തെരി, മെര്സല് എന്നീ ഹിറ്റ് സിനിമകള്ക്ക് ശേഷം ഇവർ ഒന്നിക്കുന്ന ചിത്രം കൂടിയാണിത്. വനിതാ ഫുട്ബോൾ ടീമിനെ പരിശീലിപ്പിക്കാൻ ആയി വരുന്ന കോച്ചായി വിജയ് വേഷമിടുന്ന ചിത്രത്തിന് സംഗീതം പകരുന്നത് എ ആർ റഹ്മാൻ ആണ്. മാജിക് ഫ്രെയിംസും പൃഥ്വിരാജ് പ്രൊഡക്ഷൻസും ചേർന്നാണ് ബിഗിൽ കേരളത്തിലെ തീയറ്ററുകളിൽ എത്തിക്കുന്നത്.