ടാറ്റൂ ചെയ്യാനെത്തുന്ന യുവതികളെ ലൈംഗികമായി പീഡിപ്പിച്ച കേസില് കൊച്ചിയിലെ ടാറ്റൂ ആര്ട്ടിസ്റ്റ് അറസ്റ്റില്. കൊച്ചി ചേരാനെല്ലൂരിലെ ഇന്ക്ഫെക്റ്റഡ് ടാറ്റൂ സ്റ്റുഡിയോ ഉടമ പി.എസ് സുജീഷാണ് അറസ്റ്റിലായത്. ഇന്നലെയാണ് ഇയാളെ അറസ്റ്റ് ചെയ്തത്. അന്വേഷണം വ്യാപിപ്പിച്ചതോടെ ഇയാള് കീഴടങ്ങിയതായാണ് വിവരം. ഇയാളെ ഉന്നത ഉദ്യോഗസ്ഥര് ഉള്പ്പെടെ വിശദമായി ചോദ്യം ചെയ്തുവരികയാണ്.
സുജീഷ് പീഡിപ്പിച്ചെന്ന് ചൂണ്ടിക്കാട്ടി ആറോളം യുവതികളാണ് പരാതിയുമായി രംഗത്തെത്തിയത്. സോഷ്യല് മീഡിയ വഴിയായിരുന്നു ആദ്യം ആരോപണം ഉയര്ന്നത്. തുടര്ന്ന് യുവതികള് പരാതിയുമായി പൊലീസിനെ സമീപിക്കുകയായിരുന്നു. പരാതിയുടെ അടിസ്ഥാനത്തില് സുജീഷിനെതിരെ ആറ് കേസുകള് രജിസ്റ്റര് ചെയ്തിരുന്നു.
തുടര്ന്ന് ചേരാനെല്ലൂരിലെ സുജീഷിന്റെ സ്റ്റുഡിയോയില് പൊലീസ് ശനിയാഴ്ച പരിശോധന നടത്തി. സിസിടിയുടെ ഡിവിആര്, കമ്പ്യൂട്ടര് ഹാര്ഡ് ഡിസ്ക് എന്നിവ പൊലീസ് പിടിച്ചെടുത്തു. പരാതി ശക്തമായതോടെ ടാറ്റൂ പാര്ലര് പൂട്ടി. ഇവിടെയുണ്ടായിരുന്ന ജീവനക്കാരേയും ആര്ട്ടിസ്റ്റുകളേയും ചോദ്യം ചെയ്തിരുന്നു. വരും ദിവസങ്ങളിലും കൂടുതല് നടപടികളുണ്ടാകും.
ടാറ്റൂ ചെയ്യുന്നതിനിടെ സുജീഷ് ലൈംഗികമായി പീഡിപ്പിച്ചെന്ന് വെളിപ്പെടുത്തി ദിവസങ്ങള്ക്ക് മുന്പാണ് ഒരു യുവതി രംഗത്തെത്തിയത്. സുജീഷിന്റെ ഉടമസ്ഥതത്തിലുള്ള ഇന്ക്ഫെക്ടഡ് എന്ന സ്ഥാപനത്തിന്റെ ആലിന് ചുവട്, ചേരാനല്ലൂര് കേന്ദ്രങ്ങളില്വച്ച് പീഡിപ്പിച്ചെന്നായിരുന്നു ആരോപണം. ഇതിന് പിന്നാലെ നിരവധി യുവതികള് ഇയാള്ക്കെതിരെ ആരോപണം ഉന്നയിച്ചിരുന്നു. സ്ത്രീത്വത്തെ അപമാനിക്കല് അടക്കം അഞ്ചു വകുപ്പുകളാണ് ഇയാള്ക്കെതിരെ ചുമത്തിയത്.