സെലിബ്രിറ്റികൾ ആണെന്ന യാതൊരു അഹംഭാവവും കൂടാതെ സാധാരണക്കാർക്കൊപ്പം അവരിൽ ഒരാളായി സഹായിക്കാൻ ഇറങ്ങിത്തിരിച്ചിരിക്കുന്ന നിരവധി താരങ്ങളെ ഈ പ്രളയ ദിനങ്ങളിൽ നമുക്ക് കാണുവാൻ സാധിക്കുന്നുണ്ട്. ടോവിനോ, ജോജു, ഇന്ദ്രജിത്ത്, സണ്ണി വെയ്ൻ എന്നിങ്ങനെ പലരും മുഴുവൻ സമയവും ദുരിതാശ്വാസ പ്രവർത്തനങ്ങളിൽ മുഴുകി നിൽക്കുന്നുണ്ട്. എന്നാൽ അതിനിടയിലും ഇതെല്ലാം അവരുടെ സിനിമ പ്രൊമോഷന് വേണ്ടിയാണെന്ന ആരോപണവുമായിട്ടാണ് പലരും മുന്നോട്ട് വരുന്നത്. എന്നാൽ ഈ ഒരു സഹായിക്കാനുള്ള മനസ്ഥിതി അവരുടെ ഒക്കെ രക്തത്തിൽ തന്നെ ഉള്ളതാണെന്ന് വെളിപ്പെടുത്തിയിരിക്കുകയാണ് നടനും മിമിക്രി ആർട്ടിസ്റ്റുമായ ടിനി ടോം.
ടൊവിനോയുടേയും ജോജുവിന്റേയും രക്തത്തില് സംഘടനാപാരമ്പര്യം ഉണ്ട്. കാനഡയില് ബോട്ടില് പോയിക്കൊണ്ടിരിക്കുമ്പോള് ജോജുവിന്റെ കൂളിങ് ഗ്ലാസ് കടലില്പ്പോയി, എടുത്ത് ചാടി ടൊവിനോ അതെടുത്ത് കൊടുത്തു. എത്ര പേര്ക്ക് ഇത് തോന്നും. അതവന്റെ ജീനാണ്, അവന്റെ രക്തത്തിലുള്ളതാണ് അത്. സിനിമ പ്രമോട്ട് ചെയ്യുന്നതിന് വേണ്ടിയല്ല ചെയ്യുന്നത്. അവന് എവിടെയാണെങ്കിലും അത് ചെയ്തിരിക്കുമെന്നും ടിനി ടോം പറയുന്നു. 100 രൂപ കൈയ്യിലുണ്ടെങ്കില് 110 രൂപയ്ക്ക് ഭക്ഷണം മേടിച്ച് തരുന്നയാളാണ് ജോജു, ഇവരുടെ ക്യാരക്ടറിനെക്കുറിച്ച് തങ്ങള്ക്ക് അറിയാവുന്നതാണ്. സിനിമാപ്രമോഷന് വേണ്ടിയല്ല ഒരാളും ഇറങ്ങിയതെന്നും ടിനി ടോം പറയുന്നു.