മലയാള സിനിമയിലെ പ്രശസ്ത നടിയായ ഊര്മിള ഉണ്ണിയുടെ മകളും നര്ത്തകിയുമായ ഉത്തര ഉണ്ണി വിവാഹിതയാകുന്നു, താരത്തിന്റെ കഴുത്തില് താലി ചാര്ത്തുന്നത് നിതേഷ് നായര് ആണ്. താരത്തിന് വരന് ചിലങ്കകെട്ടി കൊടുത്താണ് വിവാഹാഭ്യര്ത്ഥന നടത്തിയത്. ചടങ്ങിന്റെ വീഡിയോ സോഷ്യല് മീഡിയയില് വൈറല് ആയിട്ടുണ്ട്.
എറണാകുളത്തെ കുമ്പളത്തെ സ്വകാര്യ റിസോര്ട്ടില് വെച്ച് ഇരുകുടുംബങ്ങളും സുഹൃത്തുക്കളുടെയും സാന്നിദ്ധ്യത്തില് ആയിരുന്നു വിവാഹനിശ്ചയം നടന്നത്. ചടങ്ങില് മലയാളത്തിന്റെ പ്രിയ താരങ്ങളായ സംയുക്താ വര്മ്മയും നടന് ബിജുമേനോനും മകനും പങ്കെടുത്തിരുന്നു . 2020 ഏപ്രില് അഞ്ചിനാണ് വിവാഹം നിശ്ചയിച്ചിരിക്കുന്നത്.
ബാംഗ്ലൂരിലുള്ള UTIZ എന്ന് കമ്പനിയുടെ ഉടമയാണ് നിതേഷ് നായര്. ഉത്തര നര്ത്തകി മാത്രമല്ല അഭിനേത്രി കൂടിയാണ്. പക്ഷെ നര്ത്തകി എന്ന പേരിലാണ് ഉത്തര ഉണ്ണി ഏറ്റവും കൂടുതല് അറിയപ്പെട്ടിരുന്നത്. ഉത്തര സ്റ്റേജ് ഷോകളിലും സജീവമാണ്. ഭാരതനാട്യത്തിലാണ് താരം ഏറ്റവും കൂടുതല് ശോഭിച്ചിട്ടുള്ളത്. യുനെസ്കോയുടെ അന്താരാഷ്ട്ര ഡാന്സ് കൗണ്സില് അംഗവുമാണ് ഉത്തര. നിരവധി ഹ്രസ്വചിത്രങ്ങള്, ഡോക്യുമെന്ററികള്, സംഗീത വീഡിയോകള് എന്നിവ നിര്മ്മിച്ചിട്ടും അതില് അഭിനയിച്ചിട്ടുമുണ്ട് താരം. വിവാഹത്തിനായുള്ള ഒരുക്കങ്ങളായിരിക്കും ഇനി. താരത്തിന് ആരാധകര് ആശംസകള് അറിയിച്ചിട്ടുമുണ്ട്.