Wednesday, November 13

അഭിനയകുലപതിമാർ ഒന്നിക്കുന്നു! ആമിർ ഖാനൊപ്പം വിജയ് സേതുപതി ബോളിവുഡിൽ

Google+ Pinterest LinkedIn Tumblr +
“samvritha”

അമീർഖാനും മക്കൾ സെൽവൻ വിജയ് സേതുപതിയും ഒന്നിക്കുന്നു. ഇന്ത്യൻ ഫിലിം ഫെസ്റ്റിവൽ ഓഫ് മെൽബണിൽ അതിഥിയായെത്തിയ വിജയ് സേതുപതി പി.ടി.ഐയ്ക്ക് നൽകിയ അഭിമുഖത്തിലാണ് ആമീർ ചിത്രത്തിൽ അഭിനയിക്കുന്ന വിവരം പങ്കുവെച്ചത്. സിനിമയെ കുറിച്ചുള്ള കൂടുതൽ വിവരങ്ങൾ ഇതുവരെ പുറത്തുവിട്ടിട്ടില്ല. വരും ദിവസങ്ങളിൽ അത് അറിയിക്കുമെന്നും വിജയസേതുപതി പറഞ്ഞു. ത്യാഗരാജൻ കുമാരരാജ സംവിധാനം ചെയ്ത സൂപ്പർ ഡിലക്സ് എന്ന ചിത്രത്തിന്റെ പ്രദർശനവുമായി ബന്ധപ്പെട്ടാണ് വിജയ് സേതുപതി ചലച്ചിത്രമേളയിൽ എത്തിയത്.

മേളയിൽ അതിഥിയായെത്തിയ ഷാരൂഖാൻ സൂപ്പർ ഡീലക്സിലെ വിജയ് സേതുപതിയുടെ പ്രകടനം അതിഗംഭീരം ആയിരുന്നുവെന്നും അതുതന്നെ വിസ്മയിപ്പിച്ചു എന്നും അഭിപ്രായപ്പെട്ടു. ശിൽപ്പ എന്ന ട്രാൻസ്ജെൻഡർ കഥാപാത്രത്തെയാണ് ചിത്രത്തിൽ വിജയ് അവതരിപ്പിച്ചത്. രമ്യാ കൃഷ്ണൻ, ഫഹദ് ഫാസിൽ, ഗായത്രി, സമന്ത അകിനേനി, മാസ്റ്റർ അശ്വന്ത് അശോക് കുമാർ, മിഷ്കിൻ എന്നിവരായിരുന്നു ചിത്രത്തിലെ മറ്റു കഥാപാത്രങ്ങൾ.

“Lucifer”
Share.

About Author

Comments are closed.