പുരുഷന്മാർക്കും ആൺകുട്ടികൾക്കും ആയി കൊച്ചിയിൽ ബാർബർ ഷോപ്പ് ബിസിനസ് ആരംഭിച്ചിരിക്കുകയാണ് വിജയ് യേശുദാസ്. ഹൈ എൻഡ് പ്രീമിയം ബാർബർഷോപ്പ് ആൻഡ് ലൈഫ് സ്റ്റൈൽ ബ്രാൻഡ് ആണ് വിജയ് തുടങ്ങിയത്. ഗായകൻ എന്ന ലേബലിൽ നിന്നും പുതിയൊരു സംരംഭത്തിലേക്ക് വിജയ് യേശുദാസ് കടക്കുകയാണ്. യു.എസ് ആസ്ഥാനമായി പ്രവർത്തിക്കുന്ന ചോപ്പ് ഷോപ്പ് എന്ന ലോകോത്തര ബ്രാൻഡിലൂടെയാണ് വിജയ് സംരംഭകനാകുന്നത്.
വിദേശരാജ്യങ്ങളിൽ പരിചിതമായ ഹൈ എൻഡ് പ്രീമിയം ബാർബർഷോപ്പ് ആൻഡ് ലൈഫ് സ്റ്റൈൽ ബ്രാൻഡാണ് ചോപ്പ് ഷോപ്പ് . ഈ ബ്രാൻഡിന്റെ സൗത്ത് ഇന്ത്യയിലുള്ള പ്രവർത്തനമാണ് വിജയ് യേശുദാസ്, വിജയ് മൂലൻ, അനസ് നസീർ എന്നിവർ ചേർന്ന് ഏറ്റെടുത്തിരിക്കുന്നത്. ഇന്ത്യയിൽ ഗോവയിൽ മാത്രമായിരുന്നു ചോപ്പ് ഷോപ്പ് പ്രവർത്തിച്ചിരുന്നത്.