Thursday, April 22

ആരൊക്കെ ഉണ്ടെങ്കിലും ലാലേട്ടൻ മാസ്സ് തന്നെ, ആറാട്ടിനെ കുറിച്ച് നടൻ പ്രശാന്ത് അലക്സാണ്ടർ പറയുന്നത്ഇങ്ങനെ!

Pinterest LinkedIn Tumblr +

മലയാളത്തിന്റെ എക്കാലത്തെയും മികച്ച  അഭിനയ വിസ്മയം  മോഹൻലാലിനെ നായകനാക്കി പ്രമുഖ സംവിധായകൻ  ബി ഉണ്ണികൃഷ്ണൻ സംവിധാനം ചെയ്യുന്ന ഏറ്റവും  പുതിയ ചിത്രമാണ് ആറാട്ട്. ഈ മാസ്സ് ആക്ഷൻ കോമഡി ചിത്രത്തിന്റെ തിരക്കഥ രചിച്ചിരിക്കുന്നത് ഉദയ കൃഷ്ണയാണ്.ചിത്രത്തിൽ നെയ്യാറ്റിൻകര ഗോപൻ എന്ന വളരെ ശ്രദ്ധേയമായ കഥാപാത്രമായിയാണ് മോഹൻലാൽ എത്തുന്നത്. ഈ ചിത്രത്തിന്റെ  ഒഫീഷ്യൽ പോസ്റ്ററുകൾ  കുറച്ചു ദിവസങ്ങൾ മുൻപ് റിലീസ് ചെയ്യുകയും സോഷ്യൽ മീഡിയയിൽ പുതിയ ഒരു തരംഗം  സൃഷ്ടിക്കുകയും ചെയ്തിരുന്നു.

aarattu.new

aarattu.new

ഇപ്പോൾ  ഈ ചിത്രത്തെക്കുറിച്ചു ഏറെ വെളിപ്പെടുത്തലുകളുമായി  വന്നിരിക്കുന്നത് ഈ ചിത്രത്തിൽ ഒരു സുപ്രധാന  വേഷം ചെയ്തിരിക്കുന്ന പ്രശസ്ത നടൻ പ്രശാന്ത് അലക്സാണ്ടർ ആണ്.കുറെ ഏറെ നാളുകൾക്കു ശേഷം നമുക്ക് തീയേറ്ററുകളിൽ നിന്ന് ലഭിക്കാൻ പോകുന്ന ഏറ്റവും പുതിയ വ്യത്യസ്ത അനുഭവമായിരിക്കും ആറാട്ട് എന്ന് അദ്ദേഹം പറയുന്നു. ഈ സിനിമയിൽ ഒട്ടേറേ  താരങ്ങൾ ഉണ്ടെങ്കിലും ലാലേട്ടന്റെ ഒരു വൺമാൻ ഷോ ആയിരിക്കും ഈ ചിത്രമെന്ന് അദ്ദേഹം വെളിപ്പെടുത്തുന്നു. അത്ര രസകരമായി മോഹൻലാൽ തകർത്തഭിനയിച്ചിരിക്കുന്ന ചിത്രമാണ് ആറാട്ടെന്നും പ്രശാന്ത് സൂചിപ്പിച്ചു.മോഹൻലാൽ എന്ന വിസ്മയ  താരത്തിൽ നിന്നും സിനിമാ ആസ്വാദകർ  പ്രതീക്ഷിക്കുന്ന തമാശ, കുസൃതി, പാട്ടു, നൃത്തം, ആക്ഷൻ, കിടിലൻ ഡയലോഗുകൾ അങ്ങനെയെല്ലാം കോർത്തിണക്കിയ വളരെ ഗംഭീരമായ  മാസ്സ് ഫാമിലി എന്റെർറ്റൈനെർ സിനിമയാണ്  ആറാട്ടെന്നു പ്രശാന്ത് വിശദമാക്കുന്നു.

Aarattu

Aarattu

വിനോദ സിനിമകളുടെ മർമ്മമറിയാവുന്ന ഉദയ കൃഷ്‌ണയുടെ തിരക്കഥയിൽ ബി ഉണ്ണികൃഷ്ണൻ എന്ന സംവിധായകൻ എല്ലാത്തരത്തിലും ഒരു മാസ്സ് എന്റർടൈനറായാണ് ഈ ചിത്രമൊരുക്കുന്നതെന്നും ലാലേട്ടനെ ആഘോഷിക്കാൻ പ്രേക്ഷകർക്ക് അവസരമൊരുക്കുന്ന ചിത്രമാണിതെന്നും അദ്ദേഹം പറഞ്ഞു. ദൃശ്യം 2 നേടിയ മഹാവിജയത്തിനു ശേഷം തീയേറ്ററുകളിൽ എത്താൻ പോകുന്ന മോഹൻലാൽ ചിത്രമായേക്കും ആറാട്ട് എന്നും റിപ്പോർട്ടുകൾ പറയുന്നു. രാഹുൽ രാജ് സംഗീതമൊരുക്കുന്ന ഈ ചിത്രം എഡിറ്റ് ചെയ്യുന്നത് ഷമീർ മുഹമ്മദ് ആണ്. ഹിപ്പോ പ്രൈം, മൂവി പേ മീഡിയാസ് എന്നിവർ ചേർന്നു നിർമ്മിക്കുന്ന ഈ ചിത്രത്തിലെ നായികാ വേഷം ചെയ്യുന്നത് ശ്രദ്ധ ശ്രീനാഥ് ആണ്.

teevandi enkile ennodu para
Loading...
Share.

About Author

Comments are closed.