Sunday, February 28

മോഹൻലാൽ സംവിധാനം ചെയ്യുന്ന പുതിയ ചിത്രത്തിൽ പൃഥ്വിരാജ് നായകനോ ?

Pinterest LinkedIn Tumblr +

മലയാളത്തിന്റെ പ്രിയങ്കരനായ നടൻ മോഹൻലാലിന്റെ പുതിയതായി റിലീസ് ചെയ്ത ചിത്രം ദൃശ്യം 2 ലോകം മുഴുവൻ വലിയ സ്വീകരണം നേടിയിരിക്കുകയാണ്.ആമസോൺ പ്രൈം റിലീസായി എത്തിയ ഈ ചിത്രം നേടിയ വമ്പൻ വിജയം മോഹൻലാൽ എന്ന താരത്തിന്റെ മൂല്യം പതിന്മടങ്ങു ഉയർത്തിയതിനൊപ്പം മോഹൻലാൽ എന്ന നടനവിസ്മയത്തെ കൂടി പ്രേക്ഷകർക്ക് മുന്നലെത്തിച്ച ചിത്രമാണ്. ഈ ചിത്രം റിലീസ് ചെയ്യുന്നതിന് മുൻപേ തന്നെ ഇത് കണ്ട യുവ സൂപ്പർ താരം പൃഥ്വിരാജ് സുകുമാരൻ തന്റെ സോഷ്യൽ മീഡിയ പേജിലൂടെ കുറിച്ച വാക്കുകൾ സിനിമാ പ്രേമികൾക്കും ആരാധകർക്കും ഏറെ ആവേശം പകർന്നിരുന്നു.

drishyam-2..

drishyam-2..

ജീത്തു ജോസഫ് എന്ന സംവിധായകന്റെ മികവിനൊപ്പം മോഹൻലാൽ എന്ന നടന്റെ അഭിനയ വൈഭവത്തെയും അതിശയകരമെന്നു വിശേഷിപ്പിച്ച പൃഥ്വിരാജ് അതിനൊപ്പം കുറിച്ച രണ്ടു വാചകങ്ങൾ പ്രേക്ഷകരെ കൂടുതൽ ആകാംഷാഭരിതരാക്കി. മോഹൻലാലിനെ നായകനാക്കി ലൂസിഫർ എന്ന ചിത്രമൊരുക്കി സംവിധായകനായി അരങ്ങേറ്റം കുറിച്ച പൃഥ്വിരാജ്, ഇനി സംവിധാനം ചെയ്യാൻ പോകുന്നതും മോഹൻലാൽ തന്നെ നായകനായ ലൂസിഫറിന്റെ രണ്ടാം ഭാഗമാണ്. ലാലേട്ടനെ നായകനാക്കി ഒരിക്കൽ കൂടി സംവിധാനം ചെയ്യാൻ കാത്തിരിക്കുകയാണ് താൻ എന്ന് പറഞ്ഞതിനൊപ്പം ലാലേട്ടന്റെ സംവിധാനത്തിൽ അഭിനയിക്കാൻ സാധിക്കുന്ന നിമിഷത്തിനു കൂടി കാത്തിരിക്കുകയാണ് എന്ന് പൃഥ്വിരാജ് തന്റെ ഫേസ്ബുക് പോസ്റ്റിൽ കുറിച്ചു.

prithvi raj.actor

prithvi raj.actor

അതോടെ മോഹൻലാൽ ആദ്യമായി സംവിധാനം ചെയ്യാൻ പോകുന്ന ബറോസ് എന്ന ചിത്രത്തിൽ മോഹൻലാലിനൊപ്പം പ്രധാന കഥാപാത്രങ്ങളിലൊന്നായി പൃഥ്വിരാജ് സുകുമാരനും എത്തുമെന്ന് പ്രതീക്ഷിക്കുകയാണ് ആരാധകർ. ആ സൂചനയാണ് തന്റെ വാക്കുകളിലൂടെ പൃഥ്വിരാജ് നൽകിയതെന്നാണ് ഏവരും വിശ്വസിക്കുന്നത്. മോഹൻലാൽ സംവിധാനം ചെയ്യുന്ന ഈ ത്രീഡി ഫാന്റസി ചിത്രത്തിന്റെ തിരക്കഥാകൃത്തും ക്രിയേറ്റിവ് ഡയറക്ടറും, മൈഡിയര്‍ കുട്ടിച്ചാത്തന്‍ ഒരുക്കിയ ജിജോ നവോദയ ആണ്. സന്തോഷ് ശിവന്‍ ഛായാഗ്രഹണവും സന്തോഷ് രാമന്‍ പ്രൊഡക്ഷന്‍ ഡിസൈനും നിര്‍വഹിക്കുന്ന ഈ ചിത്രം ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് നിർമ്മിക്കുന്നത്. സ്പാനിഷ് അഭിനേത്രി പാസ് വേഗ, സ്പാനിഷ് നടന്‍ റാഫേല്‍ അമര്‍ഗോ എന്നിവരും പ്രധാന കഥാപാത്രങ്ങളായി അഭിനയിക്കുന്ന ഈ ചിത്രം കൊച്ചി, ഗോവ, പോർട്ടുഗൽ എന്നിവിടങ്ങളിൽ ആണ് ചിത്രീകരിക്കുക.

teevandi enkile ennodu para
Loading...
Share.

About Author

Comments are closed.